സിപിഐ പുകയുന്നു;കെ ഇ ഇസ്മയില്‍ എല്‍ഡിഎഫിന് പുറത്ത് !

നിലവില്‍ രാജ്യസഭാ എംപിയും സിപിഐ അസിസ്റ്റന്റ് സെക്രട്ടറിയുമായ കെ ഇ ഇസ്മയിലിന് എല്‍ഡിഎഫ് യോഗങ്ങളില്‍ പങ്കെടുക്കുന്നതില്‍ നിന്ന് സിപിഐ നേതൃത്വം വിലക്കേര്‍പ്പെടുത്തി.ഇന്ന് നടന്ന സിപിഐ സംസ്ഥാന നിര്‍വ്വാഹക സമിതി യോഗത്തിലാണ് തീരുമാനം.എംപിയെന്ന നിലയില്‍ പദവി ദുരുപയോഗം ചെയ്ത് ചാണ്ടിയെ സഹായിച്ച ഇസ്മയിലിന്റെ നിലപാട് പാര്‍ട്ടിക്ക് ദോഷം ചെയ്‌തെന്ന് യോഗം വിലയിരുത്തി.മാത്രമല്ല പ്രതിസന്ധികളിലൂടെ കടന്നുപോകുന്ന പാര്‍ട്ടിക്ക് ഇസ്മയിലിന്റെ നിലപാട് കൂടുതല്‍ ദോഷകരമായെന്ന് സിപിഐ സംസ്ണഥാന സമിതിയംഗം പ്രകാശ് ബാബു വിലയിരുത്തി.ചാണ്ടിക്ക് ഫണ്ടനുവദിക്കുന്ന കാര്യത്തില്‍ ഇസ്മയില്‍ അവിഹിതമായ ഇടപെടലുകള്‍ നടത്തിയെന്നാണ് കണ്ടെത്തല്‍.മുതിര്‍ന്ന നേതാവെന്ന നിലയില്‍ കൂടുതല്‍ പാര്‍ട്ടി നടപടികളെടുക്കാന്‍ ദേശീയ നിര്‍വ്വാഹക സമിതിയില്‍ ശുപാര്‍ശ ചെയ്യാന്‍ യോഗം തീരുമാനിച്ചു

ഇന്ന് നടന്ന യോഗത്തില്‍ കെ ഇസ്മയിലിനെ ആരും പിന്തുണച്ചില്ല.പാര്‍ട്ടിയെ തള്ളിപറഞ്ഞുകൊണ്ട് ചാനല്‍ ചര്‍ച്ചയില്‍ ചാണ്ടി വിഷയത്തില്‍ പരസ്യ നിലപാട് സ്വീകരിച്ചതും ഇസ്മയിലിനു തിരിച്ചടിയായി.ചാണ്ടി രാജിവെക്കുന്നത് വൈകിയതു മൂലം സിപിഐ മന്ത്രിമാര്‍ മന്ത്രി സഭാ യോഗം ബഹിഷ്‌ക്കരിച്ചതു ശരിയായില്ലെന്ന് ഇസ്മയില്‍ സ്വീകരിച്ച നിലപാടും അദ്ദേഹത്തിനു വിനയായി.തോമസ് ചാണ്ടി വിഷയത്തില്‍ സിപിഐ ഒന്നാകെ മുഖ്യമന്ത്രി പിണറായി വിജയന്റെ നിലപാടുകളെ എതിര്‍ത്തപ്പോള്‍ വിഷയം പരിശോധിച്ചുവരികയാണെന്നും രാജി വൈകിയിട്ടില്ലെന്നുമുള്ള മുഖ്യമന്ത്രിയുടെ നിലപാടിന് പരസ്യ പിന്തുണയാണ് ഇസ്മയില്‍ നല്‍കിയത്

മാത്രമല്ല ചാണ്ടിയ്ക്ക് വലിയകുളം സീറോ ജെട്ടി റോഡിന് ഫണ്ട് അനുവദിച്ചത് പാര്‍ട്ടി പറഞ്ഞിട്ടാണെന്നും ഇസ്മയില്‍ പറഞ്ഞിരുന്നു.മാത്രമല്ല മന്ത്രിമാര്‍ മന്ത്രിസഭായോഗെ ബഹിഷ്‌ക്കരിച്ചത് ഉളഅ#പ്പടെയുള്ള കാര്യങ്ങള്‍ സിപിഐ ചര്‍ച്ച ചെയ്യും തുടങ്ങിയ ഇസ്മയിലിന്റെനിലപാട് സിപിഐ നേതൃത്വത്തെ ചൊടിപ്പിച്ചിരുന്നു

എന്തായാലും എല്‍ഡിഎഫില്‍ നിന്ന് ഒഴിവാക്കിയ വിലക്ക് തരംതാഴ്ത്തല്‍ നടപടികളിലേക്കും മറ്റും നീങ്ങാനുമിടയുണ്ട്.കാരണം ദേശീയ നേതാവായ ഇസ്മയിലിന്റെ നിരുത്തരവാദിത്തപരമായ സമീപനമാണ് ചാണ്ടി വിഷയത്തിലുണ്ടായതെന്നുള്ള കണ്ടെത്തലും ഉണ്ടായി