പെണ്‍കുരുക്ക് അഴിയുമോ?കോടതി കനിഞ്ഞാല്‍ ശശീന്ദ്രന്‍ മന്ത്രി

മംഗളം ചാനലിന്റെ ഫോണ്‍ കെണിയിലും പെണ്‍കുരുക്കിലും പെട്ട് മന്ത്രിപ്പണി പോയ ശശീന്ദ്രനെ കോടതി കനിയുമോ?

ഗതാഗത മന്ത്രിയായിരുന്ന എകെ ശശീന്ദ്രന്റെ രാജിയിലേക്ക് നയിച്ച ഫോണ് കെണി കേസ് റദ്ദാക്കണമെന്ന ഹര്ജി ഹൈക്കോടതി ഇന്ന് പരിഗണിക്കും. വനിതാ മാധ്യമ പ്രവര്ത്തകയുടെ പരാതിയില് തിരുവനന്തപുരം സിജെഎം കോടതി പരിഗണനയിലുള്ള കേസ് റദ്ദാക്കണമെന്നാവശ്യപ്പെട്ട് പരാതിക്കാരി തന്നെയാണ് ഹൈക്കോടതിയെ സമീപിച്ചത്.

കേസ് കോടതിക്ക് പുറത്ത് ഒത്തുതീര്പ്പായെന്നും തെറ്റിധാരണ മൂലമാണ് താന് പരാതി നല്കിയതെന്നും ഹര്ജിയില് പറയുന്നു. തന്റെ വ്യക്തിപരമായ കാര്യമാണ് പരാതി. അതിനാല് കേസുമായി മുന്നോട്ടു പോകാന് താല്പര്യപ്പെടുന്നില്ല. ഇക്കാര്യങ്ങള് വ്യക്തമാക്കുന്ന സത്യവാങ്മൂലവും ഹാജരാക്കിയിട്ടുണ്ട്. എന്നാല് ഹര്ജിക്കാരിയുടെ ആവശ്യം അതേ പടി അംഗീകരിക്കാന് നേരത്തെ കേസ് പരിഗണിച്ചപ്പോള് ഹൈക്കോടതി തയ്യാറായില്ല.

പരാതി കോടതിക്ക് പുറത്ത് രമ്യമായി പരിഹരിച്ചെന്നും ഇനിയും കോടതിയുടെ വിലപ്പെട്ട സമയം കേസിനായി ചെലവഴിക്കുന്നത് ഒഴിവാക്കണമെന്നും ഹര്‍ജിയില്‍ യുവതി ആവശ്യപ്പെടുന്നു. സംഭവത്തില്‍ ശശീന്ദ്രനെ കുറ്റമുക്തനാക്കി പി.എസ്. ആന്റണി കമ്മീഷന്‍ കഴിഞ്ഞ ദിവസം സര്‍ക്കാറിന് റിപ്പോര്‍ട്ട് കൈമാറിയിരുന്നു. .

ഫോണ്‍ കുരുക്കില്‍ നിന്ന് ശശീന്ദ്രനെ ഒഴിവാക്കിയാല്‍ ശശീന്ദ്രനിലൂടെയും പിന്നീട് തോമസ് ചാണ്ടിയിലൂടെയും എന്‍സിപിയ്ക്ക് നഷ്ടപ്പെട്ട മന്ത്രിസ്ഥാനം തിരികെ നല്കാനാണ് സിപിഎം തീരുമാനം.മാത്രമല്ല എന്‍സിപി മന്ത്രിമാരില്‍ ആരോപണ വിധേയരായ രണ്ട് മന്ത്രിമാരില്‍ ആരാദ്യം കുറ്റവിമുക്തനാക്കപ്പെടുന്നോ അവര്‍ക്ക് മന്ത്രിസ്ഥാനം തിരികെ നല്‍കുമെന്ന് സിപിഎം വാക്കുപറഞ്ഞതായി എന്‍സിപി നേതൃത്വവും അറിയിച്ചിട്ടുണ്ട്‌