യു എ ഇയിലെ പ്രവാസികള്‍ക്ക് പണമയക്കാനും നികുതി?

ദുബായ്:പുതുതായി മൂല്യ വര്‍ദ്ധിത(വാറ്റ്)നികുതി ഏര്‍പ്പെടുത്തുന്നതിന്റെ ഭാഗമായി യുഎഇയിലെ പ്രവാസികള്‍ക്ക് നാട്ടിലേക്ക് പണമയക്കുന്നതിനും നികുതി ഏര്‍പ്പെടുത്താന്‍ യുഎഇ സര്‍ക്കാര്‍ ഒരുങ്ങുന്നു.ഇതോടെ നാട്ടിലേക്ക് പണമയക്കാനുള്ള ചിലവ് വര്‍ദ്ധിക്കും.യുഎഇ യില്‍ നിന്ന് 1000 ദിര്‍ഹം വരെയയക്കാന്‍ നിലവില്‍ 16 ദിര്‍ഹമാണ് സേവന നിരക്ക്.1000 ദിര്‍ഹത്തിനു മുകളിലുള്ള തുകയ്ക്ക് 22 ദിര്‍ഹമാണ് നിലവിലെ സര്‍വ്വീസ് ചാര്‍ജ്ജ്.

നിലവില്‍ പല എക്‌സ്‌ചേഞ്ചുകളും പല ചാര്‍ജ്ജാണ് ഈടാക്കുന്നത്.ഫീസിന്റെ അഞ്ചു ശതമാനമാണ് വാറ്റായി നല്‍േണ്ടത്.ആയതിനാല്‍ വിനിമയത്തിനുള്ള സര്‍വ്വീസ് ചാര്‍ജ്ജില്‍ കുറച്ചുകൂടി വ്യത്യാസം വരുത്തിയേക്കും.എന്നാല്‍ വിനിമയത്തെ ഇതു ബാധിച്ചേക്കില്ലെന്നാണ് പണിടപാട് സ്ഥാപനങ്ങളുടെ പ്രതീക്ഷ

2017 ലെ ആദ്യപാദത്തില്‍,അതായത് ജനുവരി മുതല്‍ ജൂണ്‍ വരെ 7800 കോടി ദിര്‍ഹം സ്വന്തം നാടുകളിലേക്ക് അയച്ചതായാണ് യു എ ഇ സെന്‍ട്രല്‍ ബാങ്കിന്റെ കണക്ക്.മുന്‍ വര്‍ഷത്തില്‍ അയച്ചതിന്റെ 48.5 % വരുമിത്.2016 ല്‍ 16,080 കോടി രൂപയാണ് പ്രവാസികള്‍ നാടുകളിലേക്ക് ആകെ അയച്ചത്.ഇന്‍ഡ്യയിലേക്കാണ് ഏറ്റവുമധികം പണമയച്ചിരിക്കുന്നത്.പാക്കിസ്ഥാന്‍,ഫിലിപ്പീന്‍സ്,ഈജിപ്റ്റ്,ബ്രിട്ടന്‍ എന്നീ രാജ്യങ്ങളാണ് തൊട്ടുപിന്നില്‍