ഗുജറാത്തില്‍ രണ്ടാം ഘട്ട വോട്ടെടുപ്പ് ഇന്ന്;ബിജെപിയും കോണ്‍ഗ്രസും ആത്മവിശ്വാസത്തില്‍

അഹമ്മദാബാദ്:ഗുജറാത്തില്‍ രണ്ടാംഘട്ട വോട്ടെടുപ്പ് ഇന്ന്.93 മണ്ഡലങ്ങളിലാണ് ഇന്ന് തെരഞ്ഞെടുപ്പ് നടക്കുന്നത്.851 സ്ഥാനാര്‍ത്ഥികള്‍ ഇന്ന് ജനവിധിതേടും.2.2 കോടി വോട്ടര്‍മാരാണ് ഇന്ന് ബൂത്തുകളിലെത്തുക നീണ്ട 22 വര്‍ഷക്കാലം സംസ്ഥാനം ഭരിച്ച ബിജെപിയും കോണ്‍ഗ്രസും തമ്മില്‍ കടുത്ത മല്‍സരമാണ് ഗുജറാത്തില്‍ നടക്കുക.ഇത്തവണയും ഭരണത്തിലെത്താന്‍ കടുത്ത തെരഞ്ഞെടുപ്പ് പ്രചരണമാണ് ബിജെപി ഒരുക്കിയിരുന്നത്.സംസ്ഥാനം തിരിച്ചു പിടിക്കാന്‍ രാഹുല്‍ ഗാന്ധിയുടെ നേതൃത്വത്തില്‍ കോണ്‍ഗ്രസും വലിയ തെരഞ്ഞെടുപ്പ് പ്രചരണമാണ് നടത്തിയത്

ബിജെപിയെ കൈവിടരുതെന്ന് ജനങ്ങളോട് പ്രധാനമന്ത്രി നരേന്ദ്ര മോദി ആവശ്യപ്പെട്ടു. ഗുജറാത്തിനെ പുതിയ ഉയരത്തില് എത്തിക്കാന് ബിജെപിക്ക് വോട്ട് ചെയ്യണമെന്ന് അഭ്യര്ത്ഥിക്കുകയാണെന്നും അവസാന ഘട്ട പ്രചരണത്തിനിടെ മോദി പറഞ്ഞു. അതേസമയം ഗുജറാത്തില് നിന്നും മികച്ച വിജയം ലഭിക്കുമെന്ന് കോണ്ഗ്രസിന്റെ നിയുക്ത അധ്യക്ഷന് രാഹുല് ഗാന്ധിയും പറഞ്ഞു..

ഒന്പതാം തീയതി നടന്ന ആദ്യ ഘട്ട വോട്ടെടുപ്പില് 68 ശതമാനം പോളിംഗ് ആയിരുന്നു രേഖപ്പെടുത്തിയത്. കച്ച്, സൗരാഷ്ട്ര, ദക്ഷിണ ഗുജറാത്ത് എന്നിവിടങ്ങളിലുള്പ്പടെ 89 മണ്ഡലങ്ങളിലാണ് ആദ്യഘട്ട വോട്ടെടുപ്പ് നടന്നത്.