ആധാര്‍ നിര്‍ബ്ബന്ധമോ?ഭരണഘടനാ ബഞ്ച് ഇന്ന് വാദം കേള്‍ക്കും

ന്യൂഡല്‍ഹി :ആധാര് നിര്‍ബന്ധമാക്കിയ കേന്ദ്ര സര്‍ക്കാര്‍ വിജ്ഞാപനത്തിനെതിരെ സമര്‍പ്പിക്കപ്പെട്ട ഹര്‍ജിയില്‍ സുപ്രീംകോടതിയുടെ ഭരണഘടനാബഞ്ച് ഇന്ന് ഇടക്കാല ഉത്തരവ് പുറപ്പെടുവിച്ചേക്കും.നേരത്തേ ഹര്‍ജി പരിഗണിച്ച ചീഫ് ജസ്റ്റിസ് ദീപക് മിശ്ര ഉള്‍പ്പെട്ട് ബഞ്ച് ആധാര്‍ കേസ് അഞ്ചംഗ ഭരണഘടനാ ബഞ്ചിന് തീരുമാനം വിട്ടിരുന്നു .

കഴിഞ്ഞ ദിവസം ഹര്ജി പരിഗണിച്ച സുപ്രീംകോടതി ചീഫ് ജസ്റ്റിസ് ദീപക് മിശ്ര അധ്യക്ഷനായ ബഞ്ചാണ് ഭരണഘടനാ ബഞ്ചിന് ഹര്ജികള് വിട്ടത് .ആധാര്‍ സ്വകാര്യതയിലേക്കുളള കടന്നു കയറ്റമാണോയെന്നാണ് ബഞ്ച് പ്രധാനമായും പരിഗണിക്കുന്നത്.

ബാങ്ക് അക്കൗണ്ടുകള്, മൊബൈല് നംബര്,സര്ക്കാര് സേവനങ്ങള് എന്നിവയ്ക്ക് ആധാര് നിര്ബന്ധമാക്കിയ കേന്ദ്രസര്ക്കാര് നടപടി സ്റ്റേ ചെയ്യണണമെന്ന ഹര്ജിയിലാണ് അംഞ്ചഗ ഭരണഘടനാ ബെഞ്ച് ഇന്ന് വാദം കേള്ക്കുന്നത്..

അതേ സമയം ഇന്ന് കേസ് പരിഗണിക്കാനിരിക്കെ ഡിസംബര് 31നകം ബാങ്ക് അക്കൗണ്ടുകള് ആധാറുമായി ബന്ധിപ്പിക്കാണമെന്ന വിജ്ഞാപനം കേന്ദ്രസര്ക്കാര് റദ്ദാക്കി. 2002ലെ മണി ലണ്ടറിംഗ് ആക്ടില് മാറ്റം വരുത്തിയ ഭേദഗതിയിലൂടെയാണ് സമയപരിധി റദ്ദാക്കിയത്. പകരം തീയതി നിശ്ചയിച്ചിട്ടില്ല. ഇന്നത്തെ സുപ്രീംകോടതി തീരുമാനം കൂടി അറിഞ്ഞ ശേഷം സമയപരിധി നിശ്ചിക്കാനാണ് കേന്ദ്രസര്ക്കാര് നീക്കം.എന്നാല് വിവിധ പദ്ധതികള്ക്ക് ആധാര് നിര്ബന്ധമാക്കുന്ന വിജ്ഞാപനങ്ങള് സ്റ്റേ ചെയ്ത് ഇടക്കാല ഉത്തരവ് ആദ്യ ദിവസം ഉണ്ടാകുമെന്നാണ് പ്രതീക്ഷ.