വീരേന്ദ്രകുമാറും സംഘവും ഇടതുമുന്നണിയിലേയ്ക്ക് തിരികെയെത്തുന്നു;പുതിയ പാര്‍ട്ടിക്കു സാധ്യത

കോഴിക്കോട്:പഴയ ലാവണത്തിലേക്ക് തിരികെയെത്താന്‍ വീരനും സംഘവും. ജനതാദള്‍-യു ഇടതു മുന്നണിയിലേക്ക്. ദേശീയരാഷ്ട്രീയത്തില്‍ ജെഡിയുവിലുണ്ടായ ഭിന്നതകളാണ് വീരേന്ദ്രകുമാറിനെയും സംഘത്തെയും തിരികെ ഇടതുപക്ഷത്തെത്തിക്കുന്നത്.നേരത്തേ യുഡിഎഫില്‍ നിന്നും രാജ്യസഭാഗംത്വം നേടിയുരുന്ന വിരേന്ദ്രകുമാര്‍ ദേശീയ നേതൃത്വവുമായുണ്ടായിരുന്ന ഭിന്നതകളെ തുടര്‍ന്ന് സ്ഥാനം രാജിവെച്ചിരുന്നു.തുടര്‍ന്നാണ് ഇടതു മുന്നണിയിലേക്ക് തിരികെയെത്താനുള്ള ചര്‍ച്ചകള്‍ സജീവമായത്.

.ദേശീയരാഷ്ട്രീയത്തില്‍ ജെഡിയുവിലുണ്ടായ ഭിന്നതകളാണ് വീരേന്ദ്രകുമാറിനെയും സംഘത്തെയും തിരികെ ഇടതുപക്ഷത്തെത്തിക്കുന്നത്.നേരത്തേ യുഡിഎഫില്‍ നിന്നും രാജ്യസഭാഗംത്വം നേടിയുരുന്ന വിരേന്ദ്രകുമാര്‍ ദേശീയ നേതൃത്വവുമായുണ്ടായിരുന്ന ഭിന്നതകളെ തുടര്‍ന്ന് സ്ഥാനം രാജിവെച്ചിരുന്നു.തുടര്‍ന്നാണ് ഇടതു മുന്നണിയിലേക്ക് തിരികെയെത്താനുള്ള ചര്‍ച്ചകള്‍ സജീവമായത്.

ഇന്ന് ചേര്‍ന്ന ജെഡിയു സംസ്ഥാന സെക്രട്ടറിയേറ്റിലാണ് നിര്‍ണായക തീരുമാനം കൈക്കൊണ്ടത്. മുന്നണി പ്രവേശം സംബന്ധിച്ച് പാര്‍ട്ടി സംസ്ഥാന അധ്യക്ഷന്‍ എം.പി. വീരേന്ദ്രകുമാര്‍ യോഗത്തെ അറിയിക്കുകയായിരുന്നു. യുഡിഎഫില്‍ നിന്നതുകൊണ്ട് പാര്‍ട്ടിക്ക് നേട്ടമൊന്നുമുണ്ടാക്കാന്‍ കഴിയാത്ത സാഹചര്യത്തില്‍ എല്‍ഡിഎഫിലേക്കു പോകുന്നതാണ് നല്ലതെന്നും എല്‍ഡിഎഫിലേക്കു പോകാനുള്ള അനുയോജ്യമായ സമയമാണിതെന്നും അദ്ദേഹം യോഗത്തില്‍ പറഞ്ഞു.

14 ജില്ലാ പ്രസിഡന്റുമാരും ഇടതുമുന്നണിയിലേക്കു പോകാനുള്ള തീരുമാനത്തെ അനുകൂലിച്ചിരുന്നു. എന്നാല്‍ ഒരു വിഭാഗം ഭാരവാഹികള്‍ വിയോജിപ്പ് രേഖപ്പെടുത്തി. വീരേന്ദ്രകുമാര്‍ നിലപാട് വ്യക്തമാക്കിയതിന് പിന്നാലെ പാലക്കാട് നിന്നുള്ള സംസ്ഥാന സെക്രട്ടറിയായ ജോണ്‍ ജോണ്‍ ഇതിനെ എതിര്‍ത്തിരുന്നു. തുടര്‍ന്ന് രാജിവച്ചതായി അറിയിച്ചുകൊണ്ട് അദ്ദേഹം യോഗത്തില്‍ നിന്ന് ഇറങ്ങിപ്പോയി.

യുഡിഎഫ് പ്രതിനിധിയായി രാജ്യസഭയിലേക്ക് തെരഞ്ഞെടുക്കപ്പെട്ടിരുന്ന വീരേന്ദ്രകുമാര്‍ കഴിഞ്ഞ ഡിസംബര്‍ 20ന് എംപി സ്ഥാനം രാജിവച്ചിരുന്നു. ദേശീയതലത്തില്‍ ജെഡിയു എന്‍ഡിഎ മുന്നണിയില്‍ ചേര്‍ന്നതില്‍ പ്രതിഷേധിച്ചാണ് വീരേന്ദ്രകുമാര്‍ എംപി സ്ഥാനം രാജിവച്ചത്.