ഭീതി വിതച്ച് വീണ്ടും പനി;ആരോഗ്യമന്ത്രിക്കു വീണ്ടും കണ്ടകശനി

തിരുവനന്തപുരം:പനി വീണ്ടും കേരളത്തെ കീഴടക്കുന്നു.വേനല്‍മഴ ശക്തിയാര്‍ജ്ജിച്ചതോടെ ജനങ്ങള്‍ക്ക് ഭീതി പടര്‍ത്തി പനി തുടങ്ങി.കഴിഞ്ഞകാലളില്‍ കേരളം കീഴടക്കിയ പനിയുടെ വകഭേദങ്ങളായ ചിക്കന്‍ഗുനിയയും ഡെങ്കിയും മാറി ഇത്തവണ എത്തിയിരിക്കുന്നത് നിപാ വൈറസുമൂലമുള്ള പനിയാണ്. വടക്കന്‍ മലബാറില്‍ ഇതുവരെ നിപാ വൈറസ് സ്ഥിരീകരിച്ച നാലുപേരില്‍ മൂന്നു പേര്‍ മരണത്തിനു കീഴടങ്ങി.എട്ടുപേര്‍ നിരീക്ഷണത്തിലുമാണ്.വൈറസ് ബാധ പടരാതിരിക്കാന്‍ പനിമൂലം മരിച്ചവരുടെ മൃതദേഹങ്ങള്‍ ബന്ധുക്കള്‍ക്കു വിട്ടുകൊടുക്കാതെ ആരോഗ്യ വകുപ്പിന്റെ നേതൃത്വത്തില്ഡ വൈദ്യുതി ശ്മശാനത്തിലാണ് സംസ്‌ക്കരിച്ചത്. .പനി പടരുന്നസാഹചര്യത്തില്‍ കേന്ദ്രത്തില്‍ നിന്നും നാഷണല്‍ സെന്റര്‍ ഫോര്‍ ഡിസീസ് കണ്‍ട്രോള്‍ കേരളം സന്ദര്‍ശിക്കുന്നുണ്ട്

അതിനിടെ ,നിപ്പാ വൈറസ് സ്ഥിരീകരിച്ച പ്രദേശങ്ങളില്‍ ആരോഗ്യവകുപ്പ് കാര്യമായ സുരക്ഷ ഒരുക്കിന്നില്ലെന്ന ആരോപണമുയര്‍ന്നിട്ടുണ്ട്.ബോധവല്‍ക്കരണപരിപാടികള്‍ തുടങ്ങിയിട്ടില്ലെന്ന ആരോപണവുമുണ്ട്.ആരോഗ്യപ്രവര്‍ത്തകര്‍ക്ക് മാസ്‌ക് നല്‍കിയിട്ടില്ലെന്നആരോപണമുയര്‍ന്നപ്പോള്‍ തന്നെ നിപ്പ വരുന്ന വായുവിലൂടെയല്ല,വെള്ളത്തിലൂടെയാണെന്ന സ്ഥിരീകരണവുമായി ആരോഗ്യമന്ത്രി രംഗത്തെത്തിയിട്ടുണ്ട്.മഴക്കാലമെത്തുന്നതിനു മുന്‍പുള്ള ശുചീകരണപ്രവര്‍ത്തനങ്ങള്‍ വേണ്ടത്ര രീതിയില്‍ നടത്താന്‍ തദ്ദേശസ്വയംഭരണസ്ഥാപനങ്ങള്‍ വേണ്ട രീതിയില്‍ പ്രവര്‍ത്തിച്ചിട്ടില്ലെന്ന ആരോപണവുമുണ്ട്. 2017 ല്‍ പനിപടര്‍ന്നപ്പോള്‍ആരോഗ്യമന്ത്രി കെ കെ ശൈലജയ്‌ക്കെതിരെ ശക്തമായ പ്രതികരണമാണുണ്ടായത്.ആരോഗ്യമന്ത്രി രാജിവെച്ച് പുറത്തുപോകണമെന്ന ആവശ്യം പ്രതിപക്ഷം ഉന്നയിച്ചിരുന്നുപനിമരണംക്രമാതീതമായി വര്‍ദ്ധിച്ചത് മന്ത്രിയുടെ പ്രതിച്ഛായയെ ബാധിച്ചിരുന്നു.