രാഷ്ട്രീയ പാര്‍ട്ടികള്‍ അനധികൃത സ്വത്ത് വെളിപ്പെടുത്തേണ്ടതില്ലെന്ന് തിരഞ്ഞെടുപ്പ് കമ്മീഷന്‍

ന്യൂഡല്‍ഹി:രാഷ്ട്രീയപാര്‍ട്ടികള്‍ വിവരാവകാശ നിയത്തിന്റെ പരിധിയില്‍ പെടില്ലെന്ന് തിരഞ്ഞെടുപ്പ് കമ്മീഷന്‍.ആറ് ദേശീയപാര്‍ട്ടികള്‍ക്ക് ലഭിച്ച സംഭാവനയെക്കുറിച്ച്‌ വിവരാവകാശ പ്രകാരം ആവശ്യമുന്നയിച്ചപ്പോഴാണ് തെരഞ്ഞെടുപ്പു കമ്മീഷന്‍ രാഷ്ട്രീയ കക്ഷികള്‍ വിവരാവകാശ നിയമത്തിന്റെ പരിധിയില്‍ വരില്ലെന്നു വ്യക്തമാക്കിയത്. 2013ല്‍ ദേശീയ പാര്‍ട്ടികളെ സുതാര്യത നിയമത്തിന്റെ പരിധിയില്‍ പെടുത്തിയ കേന്ദ്ര വിവരാവകാശ കമ്മീഷന്റെ നടപടിക്കു വിരുദ്ധമാണ് തെരഞ്ഞെടുപ്പു കമ്മീഷന്റെ നടപടി.

സംഭാവനകളെക്കുറിച്ചുള്ള വിവരങ്ങള്‍ തെരഞ്ഞെടുപ്പു കമ്മീഷന്റെ പക്കലില്ല. ഇത് രാഷ്ട്രീയ പാര്‍ട്ടികളുമായി നേരിട്ടു ബന്ധപ്പെട്ട വിഷയമാണ്. പാര്‍ട്ടികള്‍ വിവരാവകാശ നിയമത്തിന്റെ പരിധിക്കു പുറത്താണെന്നുമാണ് തെരഞ്ഞെടുപ്പു കമ്മീഷന്‍ പറഞ്ഞത്. തെരഞ്ഞെടുപ്പു ബോണ്ടുകള്‍ വഴി സമാഹരിച്ച സംഭാവന സംബന്ധിച്ച വിവരങ്ങള്‍ രാഷ്ട്രീയ കക്ഷികള്‍ ഈ വര്‍ഷം സെപ്റ്റംബര്‍ 30ന് മുന്‍പായി തെരഞ്ഞെടുപ്പു കമ്മീഷനില്‍ സമര്‍പ്പിക്കേണ്ടതാണെന്നും തെരഞ്ഞെടുപ്പു കമ്മീഷന്‍ വ്യക്തമാക്കി.

പൂനയില്‍ നിന്നുള്ള വിവരാവകാശ പ്രവര്‍ത്തകനായ വിഹാര്‍ ധുര്‍വേ ആണ് ബിജെപി, കോണ്‍ഗ്രസ്, എന്‍സിപി, സിപിഐ, സിപിഎം സമാജ് വാദി, ബിഎസ്പി തുടങ്ങിയ രാഷ്ട്രീയ പാര്‍ട്ടികള്‍ക്കു ലഭിച്ച സംഭാവനകള്‍ സംബന്ധിച്ച വിവരങ്ങള്‍ തേടിയത്.