വെള്ളാപ്പള്ളിയും മകനും വെട്ടിലായി;കുരുക്കിയത് സുഭാഷ് വാസു

തിരുവനന്തപുരം:സ്‌പൈസസ് ബോര്‍ഡ് ചെയര്‍മാന്‍ സ്ഥാനം ബിഡിജെഎസ് നേതാവ് സുഭാഷ് വാസു ഏറ്റെടുത്തതിനേ തുടര്‍ന്ന് നേതൃത്വം വെട്ടില്‍.ബിഡിജെഎസിന്റെ നേതൃനിരയിലെ വമ്പന്‍മാരായ വെള്ളാപ്പള്ളിയും മകന്‍ തുഷാര്‍ വെള്ളാപ്പള്ളിയും ഉള്‍പ്പടെയുള്ള നേതാക്കളുടെ അനുമതിയോടെയല്ല എന്‍ഡിഎ വെച്ചുനീട്ടിയ സ്‌പൈസസ് ബോര്‍ഡ് ചെയര്‍മാന്‍ സ്ഥാനം സുഭാഷ് വാസു ഏറ്റെടുത്തതെന്നാണ് സൂചന.നേരത്തേ കേരളത്തില്‍ എന്‍ഡിഎ യുടെ ഘടകകക്ഷിയായിരുന്ന ബിഡിജെഎസിന് അര്‍ഹമായ രീതിയില്‍ ബിജെപി കേന്ദ്രനേതൃത്വം പരിഗണിച്ചിട്ടില്ലെന്ന് ബിഡിജെഎസ് നേതൃനിര അവര്‍ത്തിച്ച് പറയുന്നതിനിടയിലാണ് നേതൃത്വത്തെ ഞെ ട്ടിച്ച് സുഭാഷ് വാസുവിന്റെ നീക്കം

കേന്ദ്രത്തില്‍ ബിഡിജെഎസിന് പല നിര്‍ണായക പദവികളും നല്‍കാമെന്ന വാഗ്ദാനം നല്‍കിയാണ് കഴിഞ്ഞ പഞ്ചായത്ത്,നിയമസഭാ തിരഞ്ഞെടുപ്പ് കാലത്ത് അവര്‍ ബിജെപിക്കൊപ്പം നിന്നത്.ഇത് മുന്നണിയ്ക്ക് വലിയ ഗുണം ചെയ്‌തെന്നും വിലയിരുത്തലുണ്ടായിരുന്നു.എന്നാല്‍ ബിജെപിയുടെ ഭാഗത്തു നിന്നു നല്‍കിയ വാഗ്ദാനങ്ങളൊന്നും പാലിക്കാത്തതിനെ തുടര്‍ന്ന് ബിഡിജെഎസ് മുന്നണിയുമായി ഇടഞ്ഞു നില്‍ക്കുകയുമായിരുന്നു.ഇതിനിടയില്‍ ബിഡിജെഎസിലെ മറ്റൊരു നേതാവിന് വേണ്ടി സ്‌പൈസസ് ബോര്‍ഡ് ചെയര്‍മാന്‍ സ്ഥാനം മാറ്റിവെച്ചിരുന്നതുമാണ്.എന്നാല്‍ വെള്ളാപ്പള്ളിയും തുഷാറും പറയാതെ അത്തരമൊരു സ്ഥാനം ഏറ്റെടുക്കാന്‍ ആ നേതാവ് താല്‍പര്യപ്പെട്ടിരുന്നില്ല.തുടര്‍ന്നാണ് നേതൃത്വത്തിന്റെ അനുമതിയില്ലാതെ സുഭാഷ് വാസു ആ സ്ഥാനം ഏറ്റെടുത്തത്.

ചെങ്ങന്നൂര്‍ ഉപതിരഞ്ഞെടുപ്പില്‍ ബിഡിജെഎസ് ബിജെപിയോട് ഇടഞ്ഞു നില്‍ക്കകുയുമായിരുന്നു.ഇത് ബിജെപി വോട്ട് ചോരുന്നതിന് കാരണമായെന്നും ബിഡിജെഎസ് നേതൃത്വം വിലയിരുത്തിയിരുന്നു.അതുകൊണ്ടു തന്നെ അടുത്ത ലോക്‌സഭാ തിരഞ്ഞെടുപ്പിനു മുന്‍പ് തന്നെ ബിജെപിയോട് ബാര്‍ഗെയ്ന്‍ ചെയ്യുകയോ അല്ലെങ്കില്‍ കേരത്തില്‍ ഇടതോ വലതോ മുന്നണികളിലേക്ക് കയറിപ്പറ്റുകയോ ചെയ്യാമെന്ന് വെള്ളാപ്പള്ളിയും തുഷാറും കരുതിയിരുന്നു.എന്നാല്‍ രണ്ടാമത് പറഞ്ഞ തീരുമാനത്തിലെത്താന്‍ ബിജെപിയോട് ആഭിമുഖ്യമുള്ള ബിഡിജെഎസിലെ ചില നേതാക്കള്‍ കൂടി മറ്റൊരു പാര്‍ട്ടി രൂപീകരിക്കാന്‍ സാധ്യതയുണ്ടെന്ന ഭയവും വെള്ളാപ്പള്ളിയ്ക്കുണ്ട്.