നിക്കി ഗൽറാണി പ്രണയത്തിൽ

നടി നിക്കി ഗൽറാണിയും തെന്നിന്ത്യൻ താരം ആദിയും പ്രണയത്തിലെന്ന് റിപ്പോർട്ട്. ആദിയുടെ അച്ഛനും സംവിധായകനുമായ രവിരാജ പിനിസെട്ടിയുടെ ജന്‍മദിനാഘോഷത്തില്‍ നിക്കി എത്തിയതോടെയാണ് പ്രണയ ചർച്ചകൾക്കു ചൂടുപിടിച്ചത്. ജൂലൈ 14ന് ആയിരുന്നു രവിരാജയുടെ ജന്‍മദിനം. ആദിയുടെ കുടുംബത്തിനൊപ്പം നിക്കിയും ഇരിക്കുന്ന ചിത്രങ്ങളും സോഷ്യല്‍ മീഡിയയില്‍ വൈറലായിരുന്നു. കുടുംബാംഗങ്ങളല്ലാതെ പുറത്തുനിന്നുളള സുഹൃത്തുക്കളായി പങ്കെടുത്തത് നിക്കി മാത്രമാണ്. കോവിഡ് ലോക്ഡൗണിനിടെ ബംഗലൂരുവില്‍ താമസിച്ചിരുന്ന നിക്കി ജന്‍മദിനാഘോഷത്തില്‍ പങ്കെടുക്കാനായി ചെന്നൈയില്‍ എത്തുകയായിരുന്നു എന്നും റിപ്പോര്‍ട്ടുകള്‍ സൂചിപ്പിക്കുന്നു. എന്നാല്‍ പ്രണയത്തെ കുറിച്ചോ വിവാഹത്തെ കുറിച്ചോ നിക്കിയും ആദിയും ഇതുവരെ വെളിപ്പെടുത്തിയിട്ടില്ല.