അപൂര്‍വ കാഴ്ചയ്ക്കായി ശാസ്ത്ര ലോകം; ആകാശത്ത് ഇന്ന് 794 വര്‍ഷത്തെ ഇടവേളയ്ക്ക് ശേഷം മഹാഗ്രഹ സംഗമം

ആകാശത്ത് ഇന്ന് 794 വര്‍ഷത്തെ ഇടവേളയ്ക്ക് ശേഷം മഹാഗ്രഹ സംഗമം. വ്യാഴം, ശനി ഗ്രഹങ്ങളുടെ സംഗമമാണ് നടക്കുന്നത്. നൂറ്റാണ്ടുകളിലെ തന്നെ അപൂര്‍വ്വ കാഴ്ചയൊരുക്കി ഇന്ന് തെക്കു പടിഞ്ഞാറന്‍ സന്ധ്യാ മാനത്ത് ഭൂമിയുടെ നേര്‍ രേഖയില്‍ ദൃശ്യമാകും.

ദക്ഷിണാന്തക ദിനത്തില്‍ ഗ്രഹ മഹാസംഗമം നടക്കുന്നു എന്ന പ്രത്യേകതകൂടി ഇക്കുറിയുണ്ട്. വ്യാഴമായിരിക്കും മാനത്ത് ആദ്യം തെളിഞ്ഞു കാണുന്നത്. ക്രമേണ ശനി ഗ്രഹത്തെയും നഗ്‌ന നേത്രങ്ങള്‍കൊണ്ട് കാണാന്‍ കഴിയും.

മുന്‍പ് 1623ലാണ് ഇത്തരത്തില്‍ ഗ്രഹ സംഗമം നടന്നത്.കോടിക്കണക്കിന് കിലോ മീറ്റര്‍ അകലത്തില്‍ സ്ഥിതി ചെയ്യുന്ന രണ്ട് ഗ്രഹങ്ങളാണ് വ്യാഴവും ശനിയും. ഭൂമിയില്‍ നിന്നുള്ള വെറും കാഴ്ച മാത്രമാണെങ്കിലും 794 വര്‍ഷത്തെ ഇടവേളയ്ക്ക് ശേഷമാണ് മഹാഗ്രഹ സംഗമം ദൃശ്യമാകുക.

1623ലാണ് മുന്‍പ് ഗ്രഹങ്ങള്‍ അടുത്ത് വന്നിരുന്നതെങ്കിലും അന്ന് കാഴ്ച ദൃശ്യമായിരുന്നില്ല. ഇനി അടുത്ത മഹാഗ്രഹ സംഗമം 2080ല്‍ കാണാം. സന്ധ്യാ മാനത്ത് വിരിയുന്ന അപൂര്‍വ കാഴ്ചയ്ക്കായി കാത്തിരിക്കുകയാണ് ശാസ്ത്ര ലോകം.