രണ്ടു തുള്ളി രക്തം,പത്തു മിനിറ്റ് ,ഹൃദയ താളമറിയാന്‍ പുത്തനുപകരണവുമായി യു എ ഇ ആരോഗ്യ മന്ത്രാലയം

പുത്തന്‍ തലമുറ രക്ത പരിശോധനാ യന്ത്രം വികസിപ്പിച്ചെടുത്ത് ആരോഗ്യ രംഗത്ത് വന്‍ കുതിച്ചു ചാട്ടത്തിനൊരുങ്ങുകയാണ് യു എ ഇ സര്‍ക്കാരിന്റെ ആരോഗ്യ മന്ത്രാലയം.രണ്ടു തുള്ളി രക്തം മാത്രമുപയോഗിച്ച് ഹൃദയത്തിന്റെ പ്രവര്‍ത്തനം പത്തു മിനിറ്റില്‍ അറിയുന്ന തരത്തിലാണ് പുതിയ ഉപകരണം വികസിപ്പിച്ചെടുത്തിരിക്കുന്നത്.ഐ -സാറ്റ് അലിനിറ്റി എന്ന് പേരിട്ടിരിക്കുന്ന ഉപകരണം വികസിപ്പിച്ചത് യു എ ഇയില്‍ ആരോഗ്യ രംഗത്ത് പ്രവര്‍ത്തിക്കുന്ന അബോറ്റ് എന്ന കമ്പിനിയാണ്.രണ്ടു മുതല്‍ പത്തു മിനിറ്റ് കൊണ്ട് ഹൃദയതാളമറിയാമെന്നാണ് കമ്പിനിയുടെ അവകാകവാദം.എവിടെയും എപ്പോഴും എളുപ്പത്തിലുപയോഗിക്കാവുന്ന തരത്തിലാണ് ഉപകരണത്തിന്റെ രൂപകല്പന.ഉപകരണം ഉടന്‍ തന്നെ ആശുപത്രികളിലും ആരോഗ്യമേഖലയില്‍ പ്രവര്‍ത്തിക്കുന്നവരുടെ കൈകളിലും എത്തിക്കും.ഉപകരണത്തിന്റെ വരവോടെ ഹൃദയസംബന്ധമായ പ്രശ്‌നങ്ങളുമായി എത്തുന്നവരുടെ മറ്റ് പരിശോധനകള്‍ പൂര്‍ത്തിയാകുന്നതിനു മുന്‍പേ രക്ത പരിശോധനാ ഫലമറിയാന്‍ കഴിയും.ആരോഗ്യ രംഗത്ത് പരിശോധനയ്ക്കാവശ്യമായ നൂതന ഉപകരണങ്ങള്‍ വികസിപ്പിച്ചെടുക്കുന്നതിന്റെ ആദ്യ പടിയായാണ് ഈ ഉപകരണത്തിന്റെ വരവെന്ന് അധികൃതര്‍ അറിയിച്ചു.ശരിയായ സമയത്ത് ശരിയായ ചികില്‍സ ലഭ്യമാക്കുന്നതിന് ഈ ഉപകരണം കാര്യമാത്രപ്രസക്തമായ പങ്കു വഹിക്കുമെന്നാണ് യു എ ഇ ആരോഗ്യ മന്ത്രാലയം അവകാശപ്പെടുന്നത്.