പുത്തന്‍ വിസാ നയവുമായി യു എ ഇ,ലക്ഷ്യം സമഗ്രമാറ്റത്തിലൂടെ രാജ്യപുരോഗതി

വിവിധ മേഖലകളില്‍ സമഗ്ര മാറ്റം ലക്ഷ്യമിട്ട് പുതിയ വിസ നയം രൂപീകരിച്ച് യു എ ഇ.ആരോഗ്യം,വിദ്യാഭ്യാസം,വിനോദ സഞ്ചാരം എന്നീ മേഖലകള്‍ ശക്തിപ്പെടുത്തുന്നതിന്റെ ഭാഗമായി ഈ മേഖലയില്‍ പ്രവര്‍ത്തിക്കുന്ന വിദഗ്ധരെ ആകര്‍ഷിക്കുക എന്നതാണ് പുത്തന്‍ വീസ രീതിയിലൂടെ യു എ ഇ ലക്ഷ്യമിടന്നതെന്ന് ദുബായ് ഭരണാധികാരിയും പ്രധാനമന്ത്രിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മഖ്തൂം പറഞ്ഞു.മൂന്ന് ഘട്ടങ്ങളിലായാണ് പുതിയ വിസ രീതി അവതരിപ്പിക്കുക. ആദ്യ ഘട്ടത്തില്‍ ആരോഗ്യ,വിദ്യാഭ്യാസ,വിനോദസഞ്ചാര മേഖലകളില്‍ നിന്നുള്ള വിദഗ്ധര്‍ക്ക് രാജ്യത്തെന്ന സമയത്ത് വീസ ഓണ്‍ എന്‍ട്രി നല്‍കും. രണ്ടാം ഘട്ടത്തില്‍ ശാസ്ത്ര സാങ്കേതിക സാംസ്‌ക്കാരിക രംഗത്ത് ഗവേഷകര്‍ക്കും നിക്ഷേപകര്‍ക്കുംഇത്തരത്തില്‍ വീസ നല്‍കും.ആഗോള തലത്തില്‍ യു എ ഇ യുടെ വിവിധ മേഖലകളില്‍ നൈപുണ്യം തെളിയിക്കുന്നതിനും സാമ്പത്തികമായി ശക്തിപ്പെടുന്നതിനുമാണ് യു എ ഇ പുതിയ വീസ രീതികള്‍ അവലംബിക്കുന്നത്‌