ആറ്റുകാലമ്മയ്ക്ക് പൊങ്കാല,പൊങ്കാല അടുപ്പിലേക്ക് അഗ്നി പകര്‍ന്നു

ആറ്റുകാലമ്മയ്ക്ക് പൊങ്കാല അര്‍പ്പിച്ച് ഭക്തര്‍.ആറ്റുകാല്‍ ക്ഷേത്ര പരിസരത്തും തിരുവനന്തപുരം നഗരത്തിലും പൊങ്കാല അടുപ്പുകളിലേക്ക് അഗ്നി പകര്‍ന്നു.ലക്ഷക്കണക്കിനു സ്ത്രീകളാണ് അമ്മയ്ക്ക് പൊങ്കാലയര്‍പ്പിക്കാന്‍ എത്തിച്ചേര്‍ന്നിരിക്കുന്നത്. ശ്രീകോവിലില്‍ നിന്നും അഗ്നി തന്ത്രി തെക്കേടത്ത് പരമേശ്വരന്‍ വാസുദേവന്‍ ഭട്ടതിരിപ്പാട് മേല്‍ശാന്തി അരുണ്‍ കുമാര്‍ നമ്പൂതിരിക്ക് കൈമാറി .അദ്ദേഹം ശ്രീകോവിലിനു സമീപം സ്ഥാപിച്ചിരിക്കുന്ന പൊങ്കാല അടുപ്പിലേക്ക് അഗ്നി പകര്‍ന്നു.മറ്റിടങ്ങളിലേക്കും അഗ്നി പകര്‍ന്ന് പൊങ്കാല നൈവേദ്യം തയ്യാറാക്കാന്‍ തുടങ്ങി.വെള്ളനേദ്യം,പായസം,മണ്ഡപ്പുറ്റ്,തെരളി തുടങ്ങിയ നിവേദ്യങ്ങളാണ് തയ്യാറാക്കുന്നത് .ഉച്ചകഴിഞ്ഞ് 2.15 ലിനാണ് പൊങ്കാല നിവേദ്യം.മുന്നൂറോളം ശാന്തിക്കാരേയാണ് പൊങ്കാല തളിക്കാന്‍ നിയോഗിച്ചിട്ടുള്ളത്.