ഇനി സമയമില്ല,കള്ളപ്പണമുണ്ടെങ്കില്‍ ഉടന്‍ വെളിപ്പിയ്ക്കുക,കള്ളപ്പണക്കാര്‍ക്ക് കേന്ദ്രസര്‍ക്കാരിന്റെ അന്ത്യശാസനം

കള്ളപ്പണം കൈവശമുള്ളവര്‍ ഉടന്‍ വെളിപ്പിയ്ക്കുക.സമയം ഇനി നീട്ടില്ല.കള്ളപ്പണക്കാരുടെ വിവരങ്ങള്‍ മുഴുവന്‍ സര്‍ക്കാരിന്റെ പക്കലുണ്ട്.കള്ളപ്പണം സ്വമേധയാ വെളുപ്പിക്കാനുള്ള സര്‍ക്കാരിന്റെ പദ്ധതിയുമായി സഹകരിച്ച് പിഴയൊടുക്കാനും കേന്ദ്ര സര്‍ക്കാര്‍ കള്ളപ്പണക്കാര്‍ക്ക് മുന്നറിയിപ്പ് നല്‍കി.പദ്ധതിയുമായി സഹകരിക്കാത്ത ക

ള്ളപ്പണക്കാര്‍ക്ക് സര്‍ക്കാര്‍ അന്ത്യ ശാസനമാണ് നല്‍കിയിരിക്കുന്നത്.

കള്ളപ്പണം വെളിപ്പെടുത്താന്‍ സര്‍ക്കാരിന്റെ പദ്ധതിയായ പ്രധാനമന്ത്രി ഗരീബ് കല്യാണ്ഡ യോജനയുടെ കാലാവധി മാര്‍ച്ച് 31 ന്അവസാനിക്കും.അതിനു മുന്‍പ് കള്ളപ്പണം വെളുപ്പിക്കണമെന്നും അല്ലെങ്കില്‍ പിന്നീട് ഖേദിക്കേണ്ടി വരുമെന്നും സര്‍ക്കാര്‍ അച്ചടി മാധ്യമങ്ങളില്‍ നല്‍കിയിരിക്കുന്ന പരസ്യത്തിലൂടെ അറിയിച്ചിട്ടുണ്ട്.അറിയിപ്പ് അന്ത്യ ശാസനത്തിന്റെ രീതിയിലാണ്.ഇനിയും വെളുപ്പിക്കാത്തവരെ കുറച്ചുള്ള വിവരങ്ങള്‍ ആദായ നികുതി വകുപ്പിന് ലഭിച്ചിട്ടുണ്ടെന്നും പരസ്യത്തിലൂടെ അറിയിച്ചിട്ടുണ്ട്.സര്‍ക്കാരിലേക്ക് 50 % പിഴയൊടുക്കിയാല്‍ കള്ളപ്പണത്തിന്റെ ബാക്കി വരുന്ന പണം ഉടമസ്ഥനു ലഭിക്കുന്ന രീതിയിലായിരുന്നു പദ്ധതി.2017 ഡിസംബര്‍ 17 നാണ് പദ്ധതി ആരംഭിച്ചത്

എന്നാല്‍ കാലാവധിക്കു ശേഷം കൈവശമുള്ള കള്ളപ്പണം സര്‍ക്കാര്‍ കണ്ടെത്തിയാല്‍ അതില്‍ 85 % മാനവും സര്‍ക്കാരിലേക്ക് പോകും എന്നു മാത്രമല്ല നിയമനടപടികള്‍ക്ക് വിധേയരാകേണ്ടതായും വരും.