ചൈനയ്‌ക്കെതിരായി ഇന്ത്യ തന്നെ ഉപയോഗിച്ചിട്ടില്ലെന്ന് ദലൈലാമ

ചൈനയ്‌ക്കെതിരായി ഇന്ത്യ തന്നെ ഉപയോഗിച്ചിട്ടില്ലെന്ന് ടിബറ്റന്‍ ആത്മീയാചാരി ദലൈലാമ. ഇന്ത്യയും ചൈനയും തമ്മില്‍ രൂക്ഷമായ പല പ്രശ്‌നങ്ങളും ഉണ്ടായെങ്കിലും തന്നെ ഒരിക്കലും ഇന്ത്യ ഉപയോഗിച്ചിട്ടില്ലെന്നും ദലൈലാമ കുട്ടിച്ചേര്‍ത്തു.

ദലൈലാമയെ മുന്‍ നിര്‍ത്തി ഇന്ത്യന്‍ പ്രധാനമന്ത്രി നരേന്ദ്ര മോഡി ചൈനയെ വെല്ലുവിളിക്കുകാണെന്ന ചൈനീസ് മാധ്യമങ്ങളുടെ ആരോപത്തിനു പിന്നാലെയാണ് ദലൈലാമ പ്രതികരണവുമായി രംഗത്തെത്തിയത്. നിരവധി ചൈനക്കാര്‍ ഇന്ത്യയെ സ്‌നേഹിക്കുന്നുണ്ട്. എന്നാല്‍ ചില രാഷ്ട്രീയ പ്രവര്‍ത്തകര്‍ മാത്രമാണ് വ്യത്യസ്തമായ അഭിപ്രായങ്ങള്‍ ഉള്ളതെന്നും ദലൈലാമ തുറന്നടിച്ചു. ദലൈലാമ അരുണാചല്‍ പ്രദേശ് സന്ദര്‍ശിക്കുന്നതിനു പിന്നാലെയാണ് ദലൈലാമയ്‌ക്കെതിരെ രൂക്ഷപ്രതികരണവുമായി ചൈന രംഗത്തു വന്നത്. ഇന്ത്യന്‍ സംസ്ഥാനമായ അരുണാചല്‍ പ്രദേശിനെ ദക്ഷിണ ടിബറ്റെന്നാണ് ചൈന വിശേഷിപ്പിക്കുന്നത്.