ജിഷ്ണു കേസ് സത്യമെന്ത്? പോലീസ് നടപടിയെ ന്യായീകരിച്ച് പിആര്‍ഡി പരസ്യം

ഡിജിപി ആസ്ഥാനത്തിന് മുന്നില്‍ ജിഷ്ണുവിന്റെ അമ്മ മഹിജയും ബന്ധുക്കളും നടത്തിയ സമരത്തിനിടെ നടന്ന പോലീസ് നടപടിയെ ന്യായീകരിച്ച് പത്രങ്ങളില്‍ പിആര്‍ഡി പരസ്യം. പോലീസ് നടപടിയെയും സര്‍ക്കാര്‍ നിലപാടിനെയും ന്യായീകരിച്ചാണ് പരസ്യം. ജിഷ്ണു കേസ് പ്രചരണമെന്ത്? സത്യമെന്ത്? എന്ന തലക്കെട്ടിലാണു പരസ്യം.

സത്യങ്ങള്‍ തമസ്‌കരിക്കുന്ന പ്രചാരണങ്ങളാണ് നടക്കുന്നത്. വിട്ടുവീഴ്ചയില്ലാത്ത നടപടികളാണു കേസില്‍ സര്‍ക്കാരില്‍ നിന്നുണ്ടായത് കേസ് നിഷ്പക്ഷമായും കാര്യക്ഷമമായും കൈകാര്യം ചെയ്യുമെന്നും പരസ്യത്തില്‍ പറയുന്നു. പോലീസിന്റെ നടപടികള്‍ സര്‍ക്കാരിന്റെ പ്രതിഛായയ്ക്ക് മങ്ങലേല്‍പ്പിക്കുന്നുണ്ടെന്ന് പാര്‍ട്ടി മുന്നണിയും നേരത്തേ വ്യക്തമാക്കിയിരുന്നു.