‘അക്വാ ബ്ലൂ സുന്ദരി’ യുടെ മരണം കൊലപാതകമെന്ന് സഹോദരന്‍

മാലിദ്വീപില്‍ നിന്നുള്ള മോഡലായിരുന്നു ഈ അക്വാ ബ്ലൂ സുന്ദരിയായ റൗദ.കഴിഞ്ഞ മാര്‍ച്ചിലാണ് ഈ അക്വാ ബ്ലൂ സുന്ദരിയുടെ മരണവാര്‍ത്ത എത്തിയത്. മാര്‍ച്ച് 29 നാണ് റൗദയെ തൂങ്ങിമരിച്ച നിലയില്‍ കണ്ടെത്തിയത്. ആത്മഹത്യയാണെന്ന് കരുതിയ മരണം കൊലപാതകമാണെന്നാണ് പുതിയ സൂചനകള്‍. സഹോദരന്‍ റയാനാണ് റൗദയുടെ മരണം കൊലപാതകമാണെന്ന് ആരോപിച്ച് രംഗത്തെത്തിയത്.

ബംഗ്ലാദേശിലെ മതതീവ്രവാദികളാണ് സഹോദരിയെ കൊലപ്പെടുത്തിയതെന്നും റയാന്‍ ആരോപിക്കുന്നു. ഇസ്ലാം അനുശാസിക്കുന്ന വസ്ത്രധാരണരീതി പിന്തുടരാത്തതാണ് കൊലപാതകത്തിലേയ്ക്ക് നയിച്ചതെന്ന് സഹോദരന്‍ ചൂണ്ടിക്കാട്ടുന്നു.

ബംഗ്ലാദേശിലെ ഇസ്ലാമി ബാങ്ക് മെഡിക്കല്‍ കോളേജ് വിദ്യാര്‍ത്ഥിനിയായിരുന്നു റൗദ. എന്നാല്‍ റൗദയുടെ വസ്ത്രധാരണം ഇസ്ലാം അനുശാസിക്കുന്ന വിധമല്ലെന്നും മര്യാദയില്ലാത്തതെന്നുമായിരുന്നു പ്രചരണം. കോളേജിനുള്ളില്‍ റൗദ മുഖം മറച്ചിരുന്നുവെന്ന് റയാന്‍ വ്യക്തമാക്കുന്നുണ്ട്. മകള്‍ ആത്മഹത്യ ചെയ്യില്ലെന്ന വാദവുമായി റൗദയുടെ അച്ഛനും രംഗത്തെത്തിയിരുന്നു.