സി.പി.െഎ നിലപാടിനെ ചോദ്യം ചെയ്യാനുള്ള ആര്‍ജവം ആര്‍ക്കുമില്ല:കാനം

കോടിയേരി ബാലകൃഷ്‌ണെന്റ പ്രസ്താവനക്ക് ശക്തമായി മറുപടിയുമായി സി.പി.െഎ സംസ്ഥാന സെക്രട്ടറി കാനം രാജേന്ദ്രന്‍. ആരുടെയും പ്രലോഭനത്തിന് വഴങ്ങിയല്ല മുന്നണിയില്‍ എത്തിയത്. തങ്ങള്‍ പറയുന്നത് മാത്രം ശരിയെന്ന നിലപാട് കമ്യൂണസത്തിന് ചേര്‍ന്നതല്ല. സി.പി.െഎ നിലപാടിനെ ചോദ്യം ചെയ്യാനുള്ള ആര്‍ജവം ആര്‍ക്കുമില്ലെന്നും കാനം പറഞ്ഞു. ആരുടെയും മുഖം നോക്കിയല്ല അഭിപ്രായം പറയുന്നതെന്നും എല്ലാം ശരിയെന്ന നിലപാട് സി.പി.െഎക്ക് ഇല്ലെന്നും കാനം വ്യക്തമാക്കി. സി.പി.െഎയുടെ നിലപാടുകള്‍ ഇടതുപക്ഷത്തെ ശക്തിപ്പെടുത്താനാണെന്നും വിമര്‍ശനങ്ങളെ സഹിഷ്ണുതയോടെ നേരിടാന്‍ തയാറാകണമെന്നും കാനം ആവശ്യപ്പെട്ടു. നേരത്തെ കാനം രാജേന്ദ്രന്‍ ഉയര്‍ത്തിയ വിമര്‍ശനങ്ങള്‍ക്ക് ഇന്ന് നടത്തിയ വാര്‍ത്ത സമ്മേളനത്തില്‍ കോടിയേരി ബാലകൃഷ്ണന്‍ മറുപടി പറഞ്ഞിരുന്നു.