ഡല്‍ഹി പിടിച്ചടക്കി ബി.ജെ.പി

ഡല്‍ഹി മുനിസിപ്പല്‍ കോര്‍പറേഷന്‍ തെരഞ്ഞെടുപ്പില്‍ ബി.ജെ.പിക്ക് തകര്‍പ്പന്‍ വിജയം. കോണ്‍ഗ്രസിനേയും ആം ആദ്മി പാര്‍ട്ടിയേയും നിഷ്പ്രഭരാക്കി മൂന്നു കോര്‍പറേഷനുകളിലേയും ഭൂരിപക്ഷം സീറ്റുകളും ബി.ജെ.പി പിടിച്ചടക്കി. ഉത്തര്‍പ്രദേശ് അടക്കമുള്ള സംസ്ഥാനങ്ങളില്‍ നേടിയ അട്ടിമറി വിജയത്തിനു ഒരു മാസം മാത്രം ശേഷിക്കേയാണ് ഭരണസിരാകേന്ദ്രത്തിലെ കോര്‍പറേഷനുകളും ബി.ജെ.പി പിടിച്ചടിയത്.

വിജയത്തിന്റെ മുഴുവന്‍ ക്രെഡിറ്റും പ്രധാനമന്ത്രി നരേന്ദ്ര മോഡിക്ക് നല്‍കുന്നതായി ബി.ജെ.പി ദേശീയാധ്യക്ഷന്‍ അമിത് ഷായും മറ്റ് നേതാക്കളും അഭിപ്രായപ്പെട്ടു. നരേന്ദ്ര മോഡിയുടെ മൂന്നു വര്‍ഷത്തെ ഭരണത്തിന്റെ നേട്ടമാണ് ഈ വിഷയം. നിഷേധാത്മക രാഷ്ട്രീയത്തിനുള്ള മറുപടിയാണെന്നും അമിത് ഷാ പറഞ്ഞു. ഉത്തര്‍പ്രദേശ്, ഉത്തരാഖണ്ഡ്, ഗോവ, മണിപ്പൂര്‍ തെരഞ്ഞെടുപ്പുകളില്‍ നേടിയ വിജയത്തിന്റെ തുടര്‍ച്ചയാണിതെന്നും അമിത് ഷാ വാര്‍ത്താസമ്മേളനത്തില്‍ വ്യക്തമാക്കി.