ഭീകരാക്രമണം : കുപ്‌വാരയില്‍ മൂന്ന് സൈനികര്‍ കൊല്ലപ്പെട്ടു

സൈനീക ക്യാമ്പിന് നേരെ നടന്ന ഭീകരാക്രമണത്തില്‍ കുപ്‌വാരയില്‍ മൂന്ന് സൈനികര്‍ കൊല്ലപ്പെട്ടതായി റിപ്പോര്‍ട്ട്. ഇന്ന് പുലര്‍ച്ചെ ആയുധങ്ങളുമായി എത്തിയ രണ്ടു ഭീകരര്‍ ക്യാമ്പിലേക്ക് നുഴഞ്ഞു കയറി ആക്രമണം നടത്തുകയായിരുന്നു.

സൈന്യം ശക്തമായി തിരിച്ചടിക്കുകയും രണ്ടു ഭീകരര്‍ കൊല്ലപ്പെട്ടതായും സ്ഥിരീകരിക്കാത്ത റിപ്പോര്‍ട്ടുകളുണ്ട്. വെടിവെയ്പ്പ് ഇപ്പോഴും തുടരുന്നതായിട്ടാണ് വിവരം. പുലര്‍ച്ചെ നാലു മണിയോടെ മൂടല്‍ മഞ്ഞിന്റെ മറപറ്റി എത്തിയ ഭീകരര്‍ ആക്രമണം നടത്തുകയായിരുന്നു. സൈനിക ക്യാമ്പിനുള്ളില്‍ കയറി യന്ത്രോപകരണങ്ങള്‍ സൂക്ഷിക്കുന്ന ഇടത്ത് സ്‌ഫോടനം നടത്താനായിരുന്നു പദ്ധതി.