സന്ദേശങ്ങളിലും വീഡിയോകളിലും ദൈവ നിന്ദയരുത്,ശിക്ഷാര്‍ഹമാണ്

ദൈവനിന്ദയുള്ള സന്ദേശങ്ങളും വീഡിയോകളും ഇന്റര്‍നെറ്റില്‍ പ്രചരിപ്പിക്കുന്നതിന് പാക്കിസ്ഥാനില്‍ കര്‍ശന വിലക്ക്.പാക്കിസ്ഥാന്‍ ടെലികമ്യൂണിക്കേഷന്‍ വിഭാഗം ഇതു സംബന്ധിച്ച് ഉപഭോക്താക്കള്‍ക്ക് കര്‍ശന മാര്‍ഗ നിര്‍ദേശമടങ്ങിയ സന്ദേശമാണ് നല്‍കിയിരിക്കുന്നത്.ടെലികമ്യൂണിക്കേഷന്‍ വിഭാഗത്തിന്റെ വെബ്‌സൈറ്റില്‍ ഈ മാര്‍ഗനിര്‍ദേശങ്ങള്‍ ഉറുദുവിലും പ്രസിദ്ധീകരിച്ചിട്ടുണ്ട്.

പാക് സര്‍ക്കാരിന്റെ പുതിയ നിര്‍ദ്ദേശം ജനങ്ങളുടെ സ്വാതന്ത്ര്യത്തിന്‍മേലുള്ള കടന്നുകയറ്റമാണെന്നാണ് ആക്ടിവിസ്റ്റുകളുടെ വാദം.ഇത് അന്യായമായ നടപടിയാണെന്നാണ് ഇവരുടെവാദം.ഈ സന്ദേശത്തോടെ പ്രശ്‌നങ്ങള്‍ കൂടുതല്‍ വഷളാകാനാണ് സാധ്യതയെന്നും പാക് ആക്ടിവിസ്റ്റുകള്‍ അഭിപ്രായപ്പെട്ടു. ബലൂചിസ്ഥാനില്‍ നിന് ഒരു ഹിന്ദു യുവാവ് ദൈവനിന്ദാ പരമായ ഒരു സന്ദേശം വാട്‌സ് അപ്പില്‍ പ്രചരിപ്പിച്ചത് വലിയ പ്രക്ഷോഭങ്ങള്‍ക്കിടയാക്കിയിരുന്നു.ദൈവനിന്ദ പാക്കിസ്ഥാനിലെ വൈകാരിക പ്രശ്‌നവും തൂക്കിലേറ്റപ്പെട്ടേക്കാവുന്ന കുറ്റവുമാണ്.