ഇംഗ്ലണ്ടിലെ മാഞ്ചസ്റ്ററില്‍ സംഗീത പരിപാടിക്കിടെ ചാവേറാക്രമണം:19 പേര്‍ കൊല്ലപ്പെട്ടു

മാഞ്ചസ്റ്ററില്‍ പ്രശസ്ത പോപ് ഗായിക അരീന ഗ്രാന്‍ഡെയുടെ സംഗീത പരിപാടിക്കിടെ നടന്ന ചാവേര്‍ സ്‌ഫോടനത്തില്‍ 19 പേര്‍ കൊല്ലപ്പെട്ടു.നിരവധി പേര്‍ക്കു പരിക്കേറ്റു.യു എസ് പോപ് ഗായിക അരീന ഗ്രാന്‍ഡെ പരിക്കുകളില്ലാതെ രക്ഷപെട്ടു.ഇവരെ സുരക്ഷിത സ്ഥാനത്തേക്കു മാറ്റിയതായി അധികൃതര്‍ അറിയിച്ചു.

21000 പേര്‍ക്കിരിക്കാവുന്ന അരീനയിലെ സ്റ്റേഡിയത്തില്‍ സംഗീത പരിപാടിയില്‍ പങ്കെടുക്കാന്‍ കുട്ടികളടക്കം നിരവധി പേരെത്തിയിരുന്നു.തിങ്കളാഴ്ച രാത്രിയോടെയാണ്(10.35 പ്രാദേശിക സമയം)സ്‌ഫോടനമുണ്ടായത്.2015 ജൂലൈയില്‍ ലണ്ടനിലെ ഗതാഗത സംവിധാനത്തിലുണ്ടായ സ്‌ഫോടനത്തിനു ശേഷം നടക്കുന്ന ഏറ്റവും വലിയ ദുരന്തമാണിത്.അന്ന് 52 പേര്‍ സ്‌ഫോടനത്തില്‍ കൊല്ലപ്പെട്ടിരുന്നു.അടുത്ത കാലത്ത് ലണ്ടനിലെ പാര്‍ലമെന്റ് സമുച്ചയത്തില്‍ നടന്ന ഒറ്റയാള്‍ ആക്രമണവും ഇന്നലെ നടന്ന സ്‌ഫോടനവും ഇംഗ്‌ളണ്ടില്‍ ഭീതിതമായ അന്തരീക്ഷം സൃഷ്ടിച്ചിട്ടുണ്ട്.