പ്രളയ ദുരിതത്തില്‍ ശ്രീലങ്കയ്ക്ക് ഇന്‍ഡ്യയുടെ കൈത്താങ്ങ്,മരണം113

കനത്തമഴയിലും വെള്ളപ്പൊക്കത്തിലും മണ്ണിടിച്ചിലിലും നാശം വിതച്ച ശ്രീലങ്കയ്ക്ക് ഇന്‍ഡ്യയുടെ കൈത്താങ്ങ്.ശ്രീലങ്കന്‍സര്‍ക്കാരിന്റെ അഭ്യര്‍ത്ഥന മാനിച്ച് രക്ഷാ പ്രവര്‍ത്തനങ്ങള്‍ക്കായി ഇന്‍ഡ്യയുടെ ഒരു കപ്പല്‍ ലങ്കയുടെ തീരത്തെത്തിയിട്ടുണ്ട്.ദുരതാശ്വാസ സാധന സാമഗ്രികളും ,ഡോക്ടര്‍മാരും നേഴ്‌സുമാരുമടങ്ങുന്ന മെഡിക്കല്‍ സംഘവും കപ്പലില്‍ ലങ്കയിലെത്തിയിട്ടുണ്ട്.മൂന്നു കപ്പലുകളാണ് ദുരിതാശ്വാസ പ്രവര്‍ത്തനങ്ങള്‍ക്കായി ലംഘയിലേക്കയക്കുന്നത്.ഇതില്‍ രണ്ടാമത്തെ കപ്പല്‍ നാളെ കൊച്ചിയില്‍ നിന്നു പുറപ്പെടും.

പ്രളയ ദുരിതത്തില്‍ ഇതുവരെ 113 പേര്‍ മരിച്ചു.93 പേരേ കാണാതായിട്ടുണ്ട്.ബോട്ടുകളിലും ഹെലകോപ്ടറിലുമായി സൈന്യം രക്ഷാ പ്രവര്‍ത്തനം നടത്തിവരികയാണ്.കഴിഞ്ഞ 14 വര്‍ഷത്തിനിടയിലെ ഏറ്റവും വലിയ വെള്ളപ്പൊക്കമാണിത്.അന്നത്തെ പേമാരിയില്‍ 100 ലധികം പേരുടെ ജീവന്‍ പൊലിഞ്ഞിരുന്നു. പ്രളയത്തില്‍ കുടുങ്ങി പോയവരുടെ രക്ഷാ പ്രവര്‍ത്തനത്തിനായി ലങ്ക ലോകരാഷ്ട്രങ്ങളുടെയും യു എന്നിന്റെയും സഹായമഭ്യര്‍ത്ഥിച്ചിരുന്നു.തുടര്‍ന്നാണ് ഇന്‍ഡ്യ സഹായവുമായി അവിടേക്കെത്തിയത്.ശ്രീലങ്കയിലെ സഹോദരങ്ങള്‍ക്കൊപ്പമുണ്ടാകുമെന്നും ജീവന്‍ പൊലിഞ്ഞവരുടെ കുടുംബത്തിന് അനുശോചനം രേഖപ്പെടുത്തുന്നതായും പ്രധാനമന്ത്രി ട്വിറ്ററില്‍ കുറിച്ചു