ഖത്തറിലേക്ക് ഇന്ത്യന്‍ വിമാനങ്ങളുടെ വ്യോമപാത മാറ്റി

ഖത്തറിലേക്ക് കേരളത്തില്‍ നിന്നു ഉള്‍പ്പടെ പറന്നുയരുന്ന ഇന്ത്യന്‍ വിമാനങ്ങളുടെ വ്യോമപാത മാറ്റി. കേരളത്തില്‍ നിന്നും മുംബൈയില്‍ നിന്നും പറക്കുന്ന വിമാനങ്ങള്‍ ഒമാന്‍ യുഎഇ എന്നി രാജ്യങ്ങളുടെ മുകളിലൂടെയാണ് പോകുന്നത്. ഇവ മറ്റു പാതകള്‍ സ്വീകരിക്കുമെന്നാണ് റിപ്പോര്‍ട്ടുകള്‍. ഇറാന്റെ മുകളിലൂടെ തന്നെയാകും യാത്രപാത.

എയര്‍ ഇന്ത്യ എക്‌സപ്രസ്, ഇന്‍ഡിഗോ, ജെറ്റ് എയര്‍വെയ്‌സ് എന്നാവി വിമാനക്കമ്പനികളാണ് പ്രധാനമായി ഇന്ത്യയില്‍ നിന്നും ഖത്തറിലേക്ക് വിമാനസര്‍വീസുകള്‍ നടത്തുന്നത്. ഈ കമ്പനികളാണ് വിമാന റൂട്ട് മാറ്റിയത്. ഡല്‍ഹിയില്‍ നിന്നും പറന്നുയരുന്ന വിമാനം പാകിസ്താന്‍ ഇറാന്‍ എന്നീ രാജ്യങ്ങളുടെ മുകളിലൂടെ പറക്കാറുള്ളത്. ഇവയ്ക്ക് മാറ്റമുണ്ടാകില്ല. ജെറ്റ് എയര്‍വെയ്‌സ് ലഗേജ് പരിധി മുപ്പതില്‍ നിന്നും ഇരുപത് കിലോയാക്കി കുറച്ചിട്ടുണ്ട്. എന്നാല്‍ പ്രീമിയം വിഭാഗത്തില്‍പെട്ട യാത്രക്കാര്‍ക്ക് മാത്രമാണ് 30 കിലോ അനുവദിച്ചിട്ടുണ്ട്. എയര്‍ ഇന്ത്യയും ലഗേജിന്റെ ഭാരം കുറച്ചിട്ടുണ്ട്. ഇതോടെ കേരളത്തില്‍ നിന്നും യാത്ര ചെയ്താല്‍ പത്ത് മുതല്‍ അന്‍പത് മിനിട്ട് വൈകിയാകും എത്തുക.