പള്‍സര്‍ സുനി ഇന്ന് പേരു വെളിപ്പെടുത്തും?

ഓടുന്ന വാഹനത്തില്‍ നടിയെ ആക്രമിച്ച കേസിന്റെ തുടരന്വേഷണവുമായി ബന്ധപ്പെട്ട് ഇന്ന് എറണാകുളം ചീഫ് ജുഡീഷ്യല്‍ മജിസ്‌ട്രേറ്റ് കോടതിയില്‍ഹാജരാക്കുന്ന സുനില്‍ കുമാര്‍ എന്ന പള്‍സര്‍ സുനി മാധ്യമങ്ങള്‍ മുന്നില്‍ ക്വട്ടേഷന്‍ കൊടുത്ത വ്യക്തിയുടെ പേരു വെളിപ്പെടുത്തിയേക്കുമെന്ന് ശ്രുതി.സുനിയുടെ റിമാന്‍ഡ് കാലാവധി പൂര്‍ത്തിയായതിനെ തുടര്‍ന്നാണ് സുനിയെ കോടതിയിലെത്തിക്കുന്നത്.കൊച്ചിയിലെ മാധ്യമപ്രവര്‍ത്തകരുടെ ഇടയിലാണ് ഇത്തരത്തിലൊരു വാര്‍ത്ത പരക്കുന്നത്.പള്‍സര്‍ സുനിയെ കഴിഞ്ഞ തവണ കോടതിയില്‍ ഹാജരാക്കിയപ്പോഴാണ് കേരളത്തിലെ ഒരു പ്രമുഖ മാധ്യമത്തോട് സ്വകാര്യമായി നടത്തിയ സംഭാഷണത്തിലാണ് താന്‍ ദിലീപിന് കത്തയച്ചിരുന്നെന്ന് വെളിപ്പെടുത്തിയത്.

കത്തിനെ കുറിച്ചുള്ള വിവാദം ആളിക്കത്തിയപ്പോള്‍ ഈ മാധ്യമം തന്നെ സുനിയുടെ ഈ ദൃശ്യങ്ങള്‍ പുറത്തുവിടുകയും ചെയ്തിരുന്നു.എന്നാല്‍ സുനിയെ മാധ്യമങ്ങളുടെ മുന്നില്‍ പെടുത്താതെ അകത്തു കോടതയില്‍ കയറ്റാനും പുറത്തെത്തിക്കാനുമാകും പൊലീസിന്റെ ശ്രമം.കാരണം സുനി ആരുടെ പേര് പറഞ്ഞാലും പൊലീസിന് അത് തലവേദനയാണ്.കാരണം ഇതുവരെയുള്ള അന്വേഷണം കോര്‍ത്തിണക്കി സംഭവത്തിനു പിന്നിലെ ഗൂഡാലോചന നടത്തിയ വ്യക്തിയിലേക്ക് എത്തിച്ചേരാനുള്ള അന്തിമ തയ്യാറെടുപ്പിലാണ് പൊലീസ്.അന്വേഷണം ഉടന്‍ പൂര്‍ത്തിയാക്കണമെന്ന് മുഖ്യമന്ത്രിയുടെ ഓഫീസില്‍ നിന്നുള്ള നിര്‍ദ്ദേശവുമുണ്ട്.