പള്‍സര്‍ സുനിയെ കോടതിയില്‍ ഹാജരാക്കി ; വന്‍ സ്രാവുകള്‍ കുടുങ്ങുമെന്ന് സുനി

നടിയെ തട്ടിക്കൊണ്ടു പോയ കേസിലെ പ്രതി പള്‍സര്‍ സുനിയെ കോടതിയില്‍ ഹാജരാക്കി. ഇന്ന് രാവിലെ പത്തു മണിയോടെ കാക്കനാട്ട് സെന്‍ട്രല്‍ ജയിലില്‍ നിന്നും സുനിയെ അങ്കമാലി കോടതിയിലേക്കാണ് കൊണ്ടു പോയത്. നേരത്തേ കോടതിയില്‍ വെച്ച് കാണാമെന്ന് പറഞ്ഞിരുന്നതിനാല്‍ അനേകം മാധ്യമപ്രവര്‍ത്തകരാണ് കോടതി പരിസരത്ത് തടിച്ചുകൂടിയത്.

കേസില്‍ സ്രാവുകള്‍ ഇനിയും കുടുങ്ങാനുണ്ടെന്ന് പള്‍സര്‍ സുനി വ്യക്തമാക്കി. പ്രമുഖ അഭിഭാഷകന്‍ ആളൂരാണ് സുനിയുടെ വക്കാലത്ത് ഏറ്റെടുത്തിരിക്കുന്നത്. തന്റെ വക്കീലിനെ മാറ്റുന്നതിന്റെ സൂചന സുനില്‍ തന്നെ നേരത്തേ കോടതിയെ അറിയിച്ചിരുന്നു. മാധ്യമങ്ങളില്‍ നിന്നും പൂര്‍ണ്ണമായി അകറ്റി നിര്‍ത്തിയായിരുന്നു പള്‍സര്‍ സുനിയെ കോടതി മുറിയില്‍ എത്തിച്ചത്. പുറത്തിറങ്ങിയാല്‍ ജീവന് ഭീഷണിയുള്ളതിനാല്‍ ജാമ്യാപേക്ഷ ഇന്ന് സമര്‍പ്പിക്കില്ലെന്ന് സുനിയു​െ​ട അഭിഭാഷകന്‍ ആളൂര്‍ പറഞ്ഞു.