കേസില്‍ അന്വേഷണ സംഘത്തിന്റെ നിലപാട് ചോദ്യം ചെയ്ത് പള്‍സര്‍ സുനിയുടെ അഭിഭാഷകന്‍ അഡ്വ. ആളൂര്‍

നടി ആക്രമിക്കപ്പെട്ട കേസില്‍ അന്വേഷണ സംഘത്തിന്റെ നിലപാട് ചോദ്യം ചെയ്ത് മുഖ്യപ്രതി പള്‍സര്‍ സുനിയുടെ അഭിഭാഷകന്‍ അഡ്വ. ആളൂര്‍. ജയിലില്‍ ഫോണ്‍ ഉപയോഗിച്ചെന്ന കേസിലാണ് സുനില്‍ കുമാറിനെ കസ്റ്റഡിയില്‍ വാങ്ങിയത്. എന്നാല്‍ നടിയെ ആക്രമിച്ച കേസിലാണ് ചോദ്യം ചെയ്യല്‍ നടന്നതെന്നും അഭിഭാഷകന്‍ കോടതിയില്‍ പറഞ്ഞു.

സുനിയെ തെളിവെടുപ്പിനായി കോയമ്പത്തൂരില്‍ കൊണ്ടുപോകുന്നതിനായിരുന്നു കസ്റ്റഡി. പക്ഷെ കേരളത്തിനു പുറത്ത് ഒരിടത്തും സുനിയെ കൊണ്ടുപോയിട്ടില്ലെന്നും അന്വേഷണ ഉദ്യോഗസ്ഥനായ ക്രൈംബ്രാഞ്ച് എസ്പിക്കെതിരെ നടപടി വേണമെന്നും ആളൂര്‍ കോടതിയില്‍ ആവശ്യപ്പെട്ടു. ഇന്ന് സുനിയെ കോടതിയില്‍ ഹാജരാക്കിയപ്പോഴാണ് പ്രതിഭാഗം പുതിയ വാദം ഉയര്‍ത്തിയത്.