പള്‍സര്‍ സുനി ബ്ലാക്ക്‌മെയ്ല്‍ ചെയ്‌തെന്ന ദിലീപിന്റെ പരാതി തട്ടിപ്പെന്ന് പോലീസ്

പള്‍സര്‍ സുനി ബ്ലാക്ക്‌മെയ്ല്‍ ചെയ്‌തെന്ന നടന്‍ ദിലീപിന്റെ പരാതി തട്ടിപ്പെട്ട് പോലീസ്. നടിയെ ആക്രമിച്ച കേസിലെ മുഖ്യപ്രതിയായ പള്‍സര്‍ സുനി രണ്ട് കോടി രൂപ ആവശ്യപ്പെട്ട് ബ്ലാക്ക്‌മെയ്ല്‍ ചെയ്തുവെന്നായിരുന്നു ദിലീപിന്റെ പരാതി. എന്നാല്‍ എപ്പോള്‍ എവിടെ വച്ച് പണം ആവശ്യപ്പെട്ടുവെന്ന പോലീസിന്റെ ചോദ്യത്തിന് ദിലീപിന് മറുപടി നല്‍കാനായില്ല.

സുനി ജയിലില്‍ നിന്നും വിളിച്ച് ഇരുപത് ദിവസത്തിന് ശേഷമാണ് ദിലീപ് പോലീസില്‍ പരാതി നലകിയത്. ഇത്രയും ദിവസം ദിലീപ്, സുനിയുമായി ഒത്തുതീര്‍പ്പിന് ശ്രമിക്കുകയായിരുന്നെന്നാണ് വിവരം. സുനി, പണം ആവശ്യപ്പെട്ട് ബ്ലാക്ക്‌മെയ്ല്‍ ചെയ്തുവെന്നായിരുന്നു ദിലീപിന്റെ പരാതി. എന്നാല്‍ ഇത് അന്വേഷണം തന്നിലേക്ക് നീളുന്നുവെന്ന് മുന്‍കൂട്ടി കണ്ട് ദിലീപ് നല്‍കിയ പരാതിയാണെന്ന് പോലീസിന് നേരത്തെ സൂചനയുണ്ടായിരുന്നു.