ജമ്മു കശ്മീരില്‍ ഭീകരവിരുദ്ധ നടപടി ശക്തമാക്കാന്‍ കേന്ദ്ര നിര്‍ദ്ദേശം

ജമ്മു കശ്മീരില്‍ ഭീകരവിരുദ്ധ നടപടി ശക്തമാക്കാന്‍ നിര്‍ദ്ദേശിച്ച് കേന്ദ്രം. നീണ്ട നാളുകള്‍ക്ക് ശേഷം അമര്‍നാഥ് തീര്‍ത്ഥാടകര്‍ക്ക് നേരെ ആക്രമണമുണ്ടായ പശ്ചാത്തലത്തിലാണ് കര്‍ശന നിര്‍ദ്ദേശത്തിന് കേന്ദ്രം നിര്‍ദ്ദേശം നല്‍കിയത്. ജമ്മുകശ്മീരില്‍ ഭീകരവാദം അതിന്റെ അവസാനഘട്ടത്തിലാണെന്നും ഏതാനും ദിവസങ്ങള്‍ക്കോ മാസങ്ങള്‍ക്കോ ഉള്ളില്‍ അവയെ ഇല്ലാതാക്കുമെന്നും കേന്ദ്രമന്ത്രി ജിതേന്ദ്ര സിങ് പറഞ്ഞു. ഇതേത്തുടര്‍ന്ന് സുരക്ഷാ ഏജന്‍സികള്‍ സുരക്ഷാ പദ്ധതികള്‍ ഊര്‍ജസ്വലമാക്കിയതായും കേന്ദ്ര ആഭ്യന്തരമന്ത്രാലയം വ്യക്തമാക്കി.