ശാസ്ത്രജ്ഞനും പത്മവിഭൂഷന്‍ ജേതാവുമായ പ്രൊഫ. യശ്പാല്‍ അന്തരിച്ചു

പ്രമുഖ ശാസ്ത്രജ്ഞനും പത്മവിഭൂഷന്‍ ജേതാവും നാഷണല്‍ കരിക്കുലം ഫ്രെയിംവര്‍ക്ക് കമ്മിറ്റി ചെയര്‍മാനുമായ പ്രൊഫ. യശ്പാല്‍ (90) അന്തരിച്ചു. ഇന്നു പുലര്‍ച്ചെയായിരുന്നു അന്ത്യം. സംസ്‌കാരം വൈകിട്ട് മൂന്ന് മണിക്ക് നടക്കും. മുന്‍പ് കാന്‍സര്‍ രോഗ ബാധിതനായിരുന്നുവെങ്കിലും കുറച്ചുകാലം മുന്‍പ് രോഗത്തില്‍ നിന്ന് മുക്തിനേടിയിരുന്നു.

യശ്പാലിനെ 1976ലാണ് രാജ്യം പത്മ ഭൂഷന്‍ നല്‍കി ആദരിച്ചത്. 2013ല്‍ പത്മ വിഭൂഷണും ലഭിച്ചു. ശാസ്ത്രരംഗത്ത് നിസ്തു സംഭാവനകളാണ് യശ്പാല്‍ നല്‍കിയത്. കോസ്മിക് റേ, ഹൈ എനര്‍ജി ഫിസിക്‌സ്, ആസ്‌ട്രോഫിസിക്‌സ് ആന്റ് ഡവലപ്‌മെന്റ് തുടങ്ങിയ മേഖലകളിലാണ് അദ്ദേഹം ശ്രദ്ധ പതിപ്പിച്ചിരുന്നത്. ജവഹര്‍ലാല്‍ നെഹ്‌റു സര്‍വകലാശാല വൈസ് ചാന്‍സലറായും സേവനമനുഷ്ഠിച്ചിട്ടുണ്ട്. ഇന്ദിരാഗാന്ധി പുരസ്‌കാരം അടക്കം നിരവധി അവാര്‍ഡുകളും യശ്പാലിന് ലഭിച്ചിട്ടുണ്ട്.