ആക്രമണം നോക്കി നിന്ന രണ്ടു പൊലീസുകാര്‍ക്ക് സസ്‌പെന്‍ഷന്‍

ബിജെപി -സിപിഎം സംഘര്‍ഷം രൂക്ഷമായ തലസ്ഥാനത്ത് ബിജെപി ഓഫീസ് ആക്രമിക്കുന്നത് നോക്കി നിന്ന പോലീസുകാര്‍ക്ക് സസ്‌പെന്‍ഷന്‍.ബിജെപി കാര്യാലയത്തിനു നേരേ ആക്രമണം നടക്കുമ്പോള്‍ രാത്രിയില്‍ ഡ്യൂട്ടിയിലുണ്ടായിരുന്ന പൊലീസുകാരില്‍ ചിലര്‍ ഇത് കണ്ടു നിന്നതല്ലാതെ തടയാന്‍ ശ്രമിച്ചില്ലെന്ന ബിജെപി പരാതിപ്പെട്ടിരുന്നു.സംഭവ സ്ഥലത്ത് പൊലീസ് നോക്കി നില്‍ക്കുന്നത് സിസിടിവിയില്‍ പതിഞ്ഞിട്ടുമുണ്ട്.ബിജെപിയുടെ പരാതിയെ തുടര്‍ന്നാണ് നടപടി.

മ്യൂസിയം പൊലീസ് സ്റ്റേഷനിലെ അഞ്ചു പൊലീസുകാരായിരുന്നു ഈ സമയം ഡ്യൂട്ടിയിലുണ്ടായിരുന്നത്.എന്നാല്‍ ഒരു പോലീസുകാരന്‍ മാത്രമാണ് അക്രമം തടയാന്‍ ശ്രമിച്ചതെന്നാണ് ബിജെപി പറയുന്നത്.ഈ സമയം ബിജെപി ഓഫീസിനു മുന്നിലുണ്ടായിരുന്ന പൊലീസുകാരന്‍ ആക്രമികളുടെ ബൈക്കിന്റെ നമ്പര്‍ എഴുതിയെടുക്കാന്‍ ശ്രമിക്കുന്നിതിനിടയില്‍ ആക്രമികള്‍ അയാളെ മര്‍ദ്ധിച്ചവശനാക്കി.ഇതു കണ്ടിട്ടും പൊലീസുകാര്‍ നോക്കി നിന്നതേയുള്ളു.പതിനഞ്ചു മിനിറ്റോളം സ്ഥലത്ത് അക്രമികള്‍ ഭീകരാന്തരീക്ഷം സൃഷ്ടിച്ചു ബിജെപി -സി പിഎം സംഘര്‍ഷം രൂക്ഷമായ സാഹചര്യത്തില്‍ തിരുവനന്തപുരം നഗരത്തില്‍ കനത്ത സുരക്ഷയാണ് പൊലീസ് ഒരുക്കിയിരിക്കുന്നത്.പാര്‍ട്ടി ഓഫീസുകളിലും മറ്റ് പ്രധാനപ്പെട്ട എല്ലാ സ്ഥലങ്ങളിലുമായി 450 പൊലീസുകാരേ വിന്യസിച്ചു.ഇനിയും സംഘര്‍ഷമുണ്ടാകാനുള്ള സാധ്യ നിലനിര്‍ക്കി കനത്ത പെട്രോളിങും നടത്തുന്നുണ്ട്

സംഘര്‍ഷം ലഘൂകരിക്കാന്‍ പത്ത് എസ് ഐ മാരൂടെ നേതൃത്വത്തില്‍ പ്രത്യേക സംഘത്തെ വിന്യസിച്ചിട്ടുണ്ട്.ഇതു വരെ ഈ സംഭവത്തില്‍ ജാമ്യമില്ലാ വകുപ്പ് ചുമത്തി എട്ടു പേരേ അറസ്റ്റു ചെയ്തു.അടുത്ത മൂന്ന് ദിവസത്തേക്ക് തലസ്ഥാനത്ത് പ്രകടനങ്ങള്‍ക്ക് വിലക്കേര്‍പ്പെടുത്തി ജില്ലാ കലക്ടര്‍ ഉത്തരവ് പുറപ്പെടുവിച്ചു.കൂടാതെ നഗരത്തില്‍ പാര്‍ട്ടികള്‍ സ്ഥാപിച്ചിരിക്കുന്ന കൊടിതോരണങ്ങളും ജില്ലാ ഭരണകൂടം മാറ്റിയിട്ടുണ്ട്‌