സുധ സിങ്ങിനെ ഉള്‍പ്പെടുത്തിയതിന് അത്‌ലറ്റിക് ഫെഡറേഷന്‍ പറഞ്ഞ വിചിത്ര കാരണം കേട്ടാല്‍ ഞെട്ടും !

ഇന്ത്യന്‍ ടീമില്‍ സ്റ്റീപ്പിള്‍ചേസ് താരം സുധാ സിങ്ങിനെ ഉള്‍പ്പെടുത്തിയതിനു വിചിത്രമായ കാരണമാണ് ഏറ്റവും ഒടുവില്‍ അത്‌ലറ്റിക് ഫെഡറേഷന്‍ നിരത്തിയിരിക്കുന്നത്. സുധയുടെ പേര് വെട്ടാന്‍ മറന്നു പോയതായിരിക്കാം, എന്നിരിക്കെ സുധാ സിങ്ങിനെ ലണ്ടനിലേയ്ക്ക് അയയ്ക്കില്ലെന്നും ഫെഡറേഷന്‍ വ്യക്തമാക്കി. ടീമില്‍ നിന്ന് ചിത്രയെ ഒഴിവാക്കിയത് അത്‌ലറ്റിക് ഫെഡറേഷന്‍ ആണെന്ന് സെലക്ഷന്‍ കമ്മിറ്റി ചെയര്‍മാന്‍ വെളിപ്പെടുത്തിയതിനു പിന്നാലെയാണ് അത്‌ലറ്റിക് ഫെഡറേഷന്റെ പുതിയ മലക്കം മറിച്ചില്‍. മാത്രമല്ല പി.യു ചിത്രയെ ഒഴിവാക്കിയ സാഹചര്യത്തില്‍ സുധാ സിങ്ങിനെ മത്സരിപ്പിക്കുന്നത് ദോഷം ചെയ്യുമെന്നും ഫെഡറേഷന്‍ കരുതുന്നു.

ഓഗസ്റ്റ് മൂന്നിന് ഓരോ രാജ്യങ്ങളും ലോക ചാമ്പ്യന്‍ഷിപ്പില്‍ പങ്കെടുക്കുന്ന അത്‌ലറ്റുകളുടെ പേര് സ്ഥിരീകരിക്കേണ്ടതുണ്ട് അന്ന് സുധാ സിങ്ങിനെ പട്ടികയില്‍ നിന്ന് ഒഴിവാക്കുമെന്നും അത്‌ലറ്റിക് ഫെഡറേഷന്‍ വ്യക്തമാക്കി. അതേസമയം സെലക്ഷന്‍ കമ്മിറ്റി തയറാക്കിയ പട്ടിക ഡെപ്യൂട്ടി കോച്ച് രാധാകൃഷ്ണന്‍ നായരാണ് ലണ്ടനിലേയ്ക്ക് അയച്ചതെന്നും അതില്‍ സുധാ സിങ്ങിന്റെ പേര് എങ്ങനെ ഉള്‍പ്പെട്ടുവെന്ന് അറിയില്ലെന്നും ഫെഡറേഷനിലെ മുതിര്‍ന്ന ഉദ്യോഗസ്ഥന്‍ അറിയിച്ചു.