കേന്ദ്രത്തിലെ കളിയുമായി കേരളത്തിലേക്ക് വരണ്ടെ : പിണറായി വിജയന്‍

കേരളത്തെ മോശമായി ചിത്രീകരിക്കുകയാണ് ബിജെപിയുടെ ലക്ഷ്യം. പ്രമുഖ ദേശീയ മാധ്യമമായ എന്‍ഡി ടിവിയ്ക്ക് മുഖ്യമന്ത്രി പിണറായി വിജയന്‍ നല്‍കിയ അഭിമുഖത്തിലാണ് ഈ കാര്യം വ്യക്തമാക്കിയത്. സര്‍ക്കാരിന് അതിനെ കുറിച്ച് കൃത്യമായ ധാരണയുണ്ട്. കേരളത്തിലെ ജനങ്ങള്‍ക്കും ബിജെപി നടത്തുന്ന കുപ്രചരണങ്ങളെ കുറിച്ച് വ്യക്തമായി അറിയുന്നവരാണ്. അത് കൊണ്ട് പേടി വേണ്ടയെന്നുമായിരുന്നു പിണറായി പറഞ്ഞത്.

സമാധാനം നിറഞ്ഞ കേരളത്തെ കുറിച്ച് ബിജെപിയും ആര്‍എസ്എസും നടത്തുന്ന അപകീര്‍ത്തി പ്രചരണം മാത്രമാണ് എല്ലാം. കഴിഞ്ഞ ദിവസം നടന്ന സര്‍വ്വ കക്ഷിയോഗത്തില്‍ സമാധാനം നിലനിര്‍ത്താന്‍ വേണ്ട മുന്‍ കരുതലുകള്‍ എടുക്കാന്‍ എല്ലാ പാര്‍ട്ടികള്‍ക്കും നിര്‍ദ്ദേശം നല്‍കിയിട്ടുണ്ടെന്നും അദ്ദേഹം വ്യക്തമാക്കി.