രാജ്യസഭ തിരഞ്ഞെടുപ്പ് : വിജയത്തിളക്കത്തില്‍ പട്ടേല്‍

രാഷ്ട്രീയ സമ്മര്‍ദ്ദങ്ങള്‍ക്കൊടുവില്‍ രാജ്യസഭ തിരഞ്ഞെടുപ്പില്‍ സോണിയാ ഗാന്ധിയുടെ രാഷ്ട്രീയ ഉപദേഷ്ടാവും കോണ്‍ഗ്രസ് രാഷ്ട്രീയത്തിലെ ചാണക്യനുമായ അഹമ്മദ് പട്ടേല്‍ വിജയത്തിളക്കത്തില്‍.

തനിക്ക് പോന്ന രാഷ്ട്രീയ എതിരാളിയെ പട്ടേലില്‍ കണ്ടതോടെ രാഷ്ട്രീയ കരുനീക്കങ്ങള്‍ ആരംഭിച്ച് ബിജെപി ദേശീയ അദ്ധ്യക്ഷന് വന്‍ തിരിച്ചടിയാണ് ജന്മനാട്ടില്‍ നിന്നും ഉണ്ടായത്. കോണ്‍ഗ്രസിന്റെ അടക്കം 20 തോളം എംഎല്‍എമാരെ ചൂണ്ടിയെടുത്തിട്ടും വിജയിക്കാന്‍ സാധിച്ചത് കോണ്‍ഗ്രസിന്റെ നേട്ടമായാണ് കരുതുന്നത്. കണക്കുകൂട്ടിയ തിരഞ്ഞെടുപ്പുകളില്‍ മിക്കതിലും വിജയം മാത്രം സ്വന്തമാക്കിയ അമിത് ഷായ്ക്കും ബിജെപിക്കും ഇതൊരു തിരിച്ചടിയാണ്. പട്ടേലിനൊപ്പം അമിത് ഷാ, സ്മൃതി ഇറാനി എന്നിവരും രാജ്യസഭയിലേക്ക് തെരഞ്ഞെടുക്കപ്പെട്ടു.