എന്തുപ്രശ്‌നത്തെ നേരിടുന്നതിനും ഇന്ത്യന്‍ സൈന്യം സജ്ജമാണെന്ന്‌ അരുണ്‍ ജെയ്റ്റ്‌ലി

ഏതു പ്രശ്‌നത്തേയും അഭിമുഖികരിക്കുന്നതിനുള്ള ആയുദ്ധശേഷിയും സേന ബലവും സജ്ജമെന്ന് പ്രതിരോധ മന്ത്രി അരുണ്‍ ജെയ്റ്റ്‌ലി. ലോകസഭയില്‍ കെ.സി. വേണുഗോപാലിന്റെ ചോദ്യത്തിന് മറുപടിയായാണ് പ്രതിരോധമന്ത്രി ഇക്കാര്യം അറിയിച്ചത്.

യുദ്ധം പ്രഖ്യാപിക്കപ്പെട്ടാല്‍ 20 ദിവസത്തേക്ക് പിടിച്ചു നില്‍ക്കുന്നതിനുള്ള ആയുദ്ധബലം മാത്രമെ ഉള്ളുവെന്ന സിഎജി റിപ്പോര്‍ട്ടിനെ പറ്റിയുള്ള ആവര്‍ത്തിച്ചുള്ള ചോദ്യത്തില്‍ എന്തുപ്രശ്‌നത്തെ നേരിടുന്നതിനും സജ്ജമാണ് ഇന്ത്യയുടെ സൈന്യം എന്ന് വീണ്ടും അദ്ദേഹം മറുപടി നല്‍കുകയായിരുന്നു. സിഎജി റിപ്പോര്‍ട്ടിലെ കണ്ടെത്തലുകള്‍ ഒരു സമയത്തെ മാത്രം കണ്ടെത്തലുകളാണെന്നും എന്നാല്‍ നിലവില്‍ അവസ്ഥ മാറിയെന്നും ഇതൊരു നിരന്തര നടപടിയാണെന്നും അദ്ദേഹം പറഞ്ഞു.