ആധാറും പാനും ബന്ധിപ്പിക്കാനുള്ള സമയപരിധി ഇന്ന് അവസാനിക്കുന്നു

രാജ്യത്തെ എല്ലാ നികുതിദായകരും ആധാറും പാനും തമ്മില്‍ ബന്ധിപ്പിക്കുന്നതിന് ആദായനികുതി വകുപ്പ് നല്‍കിയ സമയപരിധി ഇന്ന് അവസാനിക്കുന്നു.ഇവ തമ്മില്‍ ബന്ധിപ്പിച്ചില്ലെങ്കില്‍ ഇന്നു മുതല്‍ നികുതി റിട്ടേണ്‍ സമര്‍പ്പണത്തിന് ബുദ്ധിമുട്ടേണ്ടി വരും.

ഇടപാടുകാര്‍ പിഴത്തുകയും നല്‍കേണ്ടിവരും. ആദായനികുതി വകുപ്പിന്റെ ഇ-ഫയലിംഗ് വെബ്‌സൈറ്റായ https://incometaxindiaefiling.gov.in വഴി ഇവ ബന്ധിപ്പിക്കാം. ആധാറും പാനും തമ്മില്‍ ബന്ധിപ്പിക്കാന്‍ പല തവണ സമയം നീട്ടി നല്‍കിയിരുന്നു. അവസാനഘട്ടമന്ന നിലയിലാണ് ഓഗസ്റ്റ് 31 നിശ്ചയിച്ചത്. എന്നാല്‍ ഇനി ഒരവസരമുണ്ടാകില്ലെന്ന് അധികൃതര്‍ വ്യക്തമാക്കിയിരുന്നു.

ശ്രദ്ധിക്കേണ്ട കാര്യങ്ങള്‍:

ആധാറും പാനും തമ്മില്‍ ബന്ധിപ്പിക്കുന്നതിനുള്ള നടപടിക്രമങ്ങള്‍ ആദായനികുതി വകുപ്പ് ലളിതമാക്കിയിട്ടുണ്ട്. ഇതിനായി താഴെപറയുന്ന നിര്‍ദേശങ്ങള്‍ പാലിക്കുക

-ആദായനികുതി വകുപ്പിന്റെ വെബ്‌സൈറ്റ് (https://incometaxindiaefiling.gov.in) സന്ദര്‍ശിക്കുക. -ഇടത്വശത്തുകാണുന്ന ആധാര്‍ ലിങ്കില്‍ ക്ലിക്ക് ചെയ്യുക

-അപ്പോള്‍ പുതിയ വിന്‍ഡോ ലഭിക്കും. ഇവിടെ നിങ്ങളുടെ പാന്‍, ആധാര്‍ നമ്ബറുകളും ആധാര്‍ കാര്‍ഡില്‍ നല്‍കിയിരിക്കുന്നപോലെ തന്നെ പേരും നല്‍കുക. -അക്ഷരതെറ്റുകള്‍ ഇല്ലെന്ന് ഉറപ്പാക്കിയ ശേഷം സബ്മിറ്റ് ഓപ്ഷന്‍ ക്ലിക്ക് ചെയ്യുക. -യുഐഡിഎഐയില്‍ നിന്നുള്ള വേരിഫിക്കേഷനു ശേഷം ലിങ്കിംഗ് സ്ഥിരീകരിക്കുക -എസ്.എം.എസ് വഴിയും ബന്ധിപ്പിക്കാം