വനിതാ കമ്മീഷന്‍ അധ്യക്ഷ എം.സി ജോസഫൈന് വധഭീഷണി

വനിതാ കമ്മീഷന്‍ അധ്യക്ഷ എം.സി ജോസഫൈന് വധഭീഷണി. ജോസഫൈന് കിട്ടിയ കത്തുകളിലാണ് ഭീഷണി സന്ദേശമുള്ളത്. മനുഷ്യവിസര്‍ജ്യവും ഭീഷണി കത്തുകളും തനിക്ക് തപാലില്‍ ലഭിച്ചുവെന്നാണ് ജോസഫൈന്‍ പറഞ്ഞത്.

നടി ആക്രമിക്കപ്പെട്ട കേസില്‍ നടിക്കും വിമണ്‍ ഇന്‍ സിനിമാ കലക്ടീവിനും പിന്തുണ നല്‍കി പരസ്യമായി വനിതാ കമ്മീഷന്‍ അധ്യക്ഷ രംഗത്തുവന്നിരുന്നു. നടിയെ കുറിച്ച് മോശമായി പരാമര്‍ശം നടത്തിയെന്ന പരാതിയില്‍ പി.സി ജോര്‍ജ് എം.എല്‍.എയ്‌ക്കെതിരെ കമ്മീഷന്‍ കേസെടുത്തിരുന്നു. ഇതിനു ശേഷമാണ് ഇത്തരം കത്തുകള്‍ തനിക്ക് ലഭിച്ചതെന്നാണ് ജോസഫൈന്‍ പറയുന്നത്. ഇത്തരം ഭീഷണികള്‍ കൊണ്ടെന്നും കര്‍ത്തവ്യത്തില്‍ നിന്നും പിന്നോട്ട് പോകില്ലെന്നും പരാതി നല്‍കുമെന്നും അവര്‍ വ്യക്തമാക്കി.