നാദിര്‍ ഷായ്ക്ക് രക്തസമ്മര്‍ദ്ദം : പോലീസ് ചോദ്യം ചെയ്യല്‍ ഉപേക്ഷിച്ചു

നടിയെ ആക്രമിച്ച കേസില്‍ സംവിധായന്‍ നാദിര്‍ഷായ്ക്ക് രക്തസമ്മര്‍ദ്ദവും പ്രമേഹവും ഉയര്‍ന്നതിനാല്‍ പോലീസ് ചോദ്യം ചെയ്യല്‍ ഉപേക്ഷിച്ചു. കോടതി നിര്‍ദേശപ്രകാരം ഇന്നു രാവിലെ 9.30 ഓടെ ആലുവ പോലീസ് ക്ലബില്‍ ചോദ്യം ചെയ്യലിന് ഹാജരായ നാദിര്‍ ഷായ്ക്ക് 10 മണിയോടെ രക്തസമ്മര്‍ദ്ദവും പ്രമേഹവും ഉയര്‍ന്നു. ഇതേതുടര്‍ന്ന് അമിതമായി വിയര്‍ക്കുകയും ശരീരം കുഴയുകയും ചെയ്ത നാദിര്‍ ഷായെ വൈദ്യ സംഘമെത്തി പരിശോധിച്ചു. നാദിര്‍ ഷായോട് ആശുപത്രിയില്‍ ചികിത്സ തേടാനും പോലീസും ഡോക്ടര്‍മാരും നിര്‍ദേശിച്ചു. ചോദ്യം ചെയ്യല്‍ ഉപേക്ഷിച്ച് പോലീസ് സംഘം 11.30 ഓടെ മടങ്ങി. ചോദ്യം ചെയ്യാന്‍ കഴിഞ്ഞില്ലെന്ന് കോടതിയെ അറിയിക്കുമെന്ന് ആലുവ റൂറല്‍ എസ്.പി അറിയിച്ചു.