നടി ആക്രമിക്കപ്പെട്ട കേസ് : അന്വേഷണം പൂര്‍ത്തിയായിട്ടേ പ്രതികരിക്കുകയുള്ളുവെന്ന് ബെഹ്‌റ

നടി ആക്രമിക്കപ്പെട്ട കേസിന്റെ അന്വേഷണം പൂര്‍ത്തിയായാല്‍ മാത്രമേ കേസിനെ കുറിച്ച് പ്രതികരിക്കുകയുള്ളുവെന്ന് സംസ്ഥാന പോലീസ് മേധാവി ലോക്‌നാഥ് ബെഹ്‌റ . കേസില്‍ പോലീസിന് തെറ്റുപറ്റിയിട്ടുണ്ടെങ്കില്‍ മുഖ്യമന്ത്രി ഇടപെട്ട് തിരുത്തിക്കണമെന്ന് വ്യക്താമക്കി ഗണേഷ് കുമാര്‍ രംഗത്തെത്തിയിരുന്നു. ഇതിന് പിന്നാലെ സിനിമാ രംഗത്തുനിന്നും നിരവധി വിമര്‍ശനങ്ങള്‍ പോലീസിനുനേരെ ഉയരുകയും ചെയ്തിരുന്നു. എന്നാല്‍ കേരള പോലീസിന്റെ അന്വേഷണത്തില്‍ പൂര്‍ണതൃപ്തിയുണ്ടെന്നും കേസ് സിബിഐക്ക് വിടാന്‍ ഉദ്ദേശിക്കുന്നില്ലെന്നും നടിയുടെ ബന്ധു കഴിഞ്ഞ ദിവസം വ്യക്തമാക്കിയിരുന്നു.