എം.എസ് ധോണിയെ പത്മഭൂഷണ് ശുപാര്‍ശ ചെയ്തു

മുന്‍ ഇന്ത്യന്‍ നായകന്‍ എം.എസ് ധോണിയെ രാജ്യത്തെ മുന്നാമത്തെ പരമോന്നത ബഹുമതിയായ പത്മഭൂഷണ്‍ പുരസ്‌കാരത്തിനായി ബി.സി.സി.ഐ ശുപാര്‍ശ ചെയ്തു. പത്മ പുരസ്‌കാരങ്ങള്‍ക്കായി ഇത്തവണ ക്യാപ്റ്റന്‍ കൂളിനെ മാത്രമാണ് ബിസിസിഐ ശുപാര്‍ശ ചെയ്തിരിക്കുന്നത്. രാജ്യത്തെ പരമോന്നത കായിക ബഹുമതിയായ രാജീവ് ഗാന്ധി ഖേല്‍രത്‌ന തേടിയെത്തിയ ധോണിയെ ഇന്ത്യയുടെ മികച്ച ക്യാപ്റ്റന്‍ എന്ന നിലയിലാണ് പത്മഭൂഷണായി ശുപാര്‍ശ ചെയ്തിരിക്കുന്നത്. ഇന്ത്യയ്ക്കായി രണ്ട് ലോകകപ്പ് കിരീടങ്ങള്‍ നേടിക്കൊടുത്ത ക്യാപ്റ്റന്‍ കൂളിന് പത്മശ്രീ നല്‍കിയും രാജ്യം ആദരിച്ചിട്ടുണ്ട്.