കള്ളപ്പണ റിപ്പോര്‍ട്ട്‌ പുറത്തുവിടാനാകില്ല : കേന്ദ്ര സര്‍ക്കാര്‍

യു.പി.എ. ഭരണസമയത്തു കള്ളപ്പണ നിക്ഷേപവുമായി ബന്ധപ്പെട്ട നടത്തിയ മൂന്ന്‌ അന്വേഷണങ്ങളുടെ റിപ്പോര്‍ട്ട്‌ പരിശോധിച്ചുവരികയാണെന്നു കേന്ദ്ര സര്‍ക്കാര്‍. റിപ്പോര്‍ട്ട്‌ പാര്‍ലമെന്റിനു മുന്നിലെത്തിയിട്ടില്ലാത്തതിനാല്‍ വിവരങ്ങള്‍ വെളിപ്പെടുത്താനാവില്ലെന്നും വിശദീകരണം. വിവരാവകാശ നിയമപ്രകാരമുള്ള ചോദ്യത്തിനാണു ധനമന്ത്രാലയത്തിന്റെ മറുപടി.

ഡല്‍ഹിയിലെ നാഷണല്‍ ഇന്‍സ്‌റ്റിറ്റ്യൂട്ട്‌ ഓഫ്‌ പബ്ലിക്‌ ഫിനാന്‍സ്‌ ആന്‍ഡ്‌ പോളിസി (എന്‍.ഐ.പി.എഫ്‌.പി.), നാഷണല്‍ കൗണ്‍സില്‍ ഓഫ്‌ അപ്ലൈഡ്‌ ഇക്കണോമിക്‌ റിസര്‍ച്ച്‌ (എന്‍.സി.എ.ഇ.ആര്‍.), ഫരീദാബാദിലെ നാഷണല്‍ ഇന്‍സ്‌റ്റിറ്റ്യൂട്ട്‌ ഓഫ്‌ ഫിനാന്‍സ്‌ മാനേജ്‌മെന്റ്‌ (എന്‍.ഐ.എഫ്‌.എം.) എന്നീ സ്‌ഥാപനങ്ങളാണ്‌ പൗരന്മാരുടെ രാജ്യത്തെയും പുറത്തെയും കള്ളപ്പണ നിക്ഷേപങ്ങളെക്കുറിച്ച്‌ അന്വേഷിച്ചത്‌. ഈ മൂന്ന്‌ അന്വേഷണങ്ങളുടെയും റിപ്പോര്‍ട്ട്‌ 2013 ലും 2014 ലുമായി കേന്ദ്രസര്‍ക്കാരിനു സമര്‍പ്പിച്ചിരുന്നു. എന്നാല്‍, വിവരാവകാശ നിയമത്തിന്റെ എട്ടാം വകുപ്പ്‌ (1) സി. പ്രകാരം ഈ റിപ്പോര്‍ട്ട്‌ പുറത്തുവിടാനാകില്ലെന്നു ധനമന്ത്രാലയം അറിയിച്ചു.