രോഹിൻഗ്യകൾ അഭയാര്‍ഥികളെ മ്യാൻമാറിലേക്ക് മടക്കി അയക്കും: രാജ്നാഥ് സിംഗ്

രോഹിൻഗ്യകൾ അനധികൃത കുടിയേറ്റക്കാരാണെന്ന് ആഭ്യന്തര മന്ത്രി രാജ്നാഥ് സിംഗ്. ഇവരെ മ്യാൻമാറിലേക്ക് മടക്കി അയക്കും. ഇവരെ തിരിച്ചെടുക്കാൻ മ്യാൻമാർ സർക്കാർ തയാറാണെന്നും അദ്ദേഹം പറഞ്ഞു. അഭയാര്‍ഥികളെ തിരിച്ചെടുക്കാന്‍ മ്യാൻമാർ തയ്യാറായി നില്‍ക്കുമ്പോള്‍ അവരെ തിരിച്ചയക്കുന്നതിനെ ചിലർ എതിർക്കുന്നത് എന്തിനാണ്. അഭയാർഥി പദവി കിട്ടുന്നതിന് കൃത്യമായി നടപടിക്രമങ്ങളുണ്ട്. ഇവിടെയുള്ള അനധികൃത കുടിയേറ്റക്കാരാരും ഈ നടപടികളിലൂടെ പോയിട്ടില്ല. രോഹിൻഗ്യകളുടെ വിഷയത്തിൽ ഇന്ത്യ യാതൊരു രാജ്യാന്തര നിയമവും ലംഘിച്ചിട്ടില്ലെന്നും രാജ്നാഥ് പറഞ്ഞു.