ബിഡിജെഎസ്-ബിജെപി തര്‍ക്കം : അമിത് ഷാ തുഷാര്‍ കൂടിക്കാഴ്ച്ച ഇന്ന്

പ്രശ്‌നങ്ങള്‍ പരിഹരിക്കുന്നതിനായി ബിജെപി ദേശീയ അധ്യക്ഷന്‍ അമിത് ഷായും ബിഡിജെഎസ് അധ്യക്ഷന്‍ തുഷാര്‍ വെള്ളാപ്പള്ളിയും ഇന്ന് കൂടിക്കാഴ്ച നടത്തും. അഹമ്മദാബാദില്‍ വച്ചാണ് കൂടിക്കാഴ്ച. ഫോണില്‍ സംസാരിച്ച തുഷാറിനെ അമിത് ഷാ അഹമ്മദാബാദിലെ തന്റെ വസതിയിലേക്ക് ക്ഷണിക്കുകയായിരുന്നു.

എന്‍ഡിഎയില്‍ നിന്നും ബിഡിജെഎസ് പുറത്ത് പോകുമെന്ന ഭീഷണിയെത്തുടര്‍ന്നാണ് ചര്‍ച്ച എന്നാണ് വിലയിരുത്തല്‍. ബിജെപി സംസ്ഥാന അധ്യക്ഷന്‍ കുമ്മനം ബിഡിജെഎസിന് കേന്ദ്ര പദവികള്‍ സംബന്ധിച്ച് നല്‍കിയിരുന്ന വാഗ്ദാനങ്ങള്‍ ഉടന്‍ നടപ്പാക്കണമെന്ന് ബിജെപി ദേശീയ ജനറല്‍ സെക്രട്ടറി റാം ലാലിനെ കണ്ട് ആവശ്യപ്പെട്ടിരുന്നു. ഇതിനെത്തുടര്‍ന്നാണ് അമിത് ഷാ ഫോണില്‍ തുഷാറുമായി സംസാരിച്ചത്.