നടിയെ ആക്രമിച്ച കേസ്: റിമി ടോമിയുടെ രഹസ്യമൊഴി എടുത്തു

നടിയെ ആക്രമിച്ച കേസില്‍ റിമി ടോമിയുടെ രഹസ്യമൊഴി എടുത്തു. കോതമംഗലം മജിസ്‌ട്രേറ്റിന് മുമ്പാകെയാണ് മൊഴി നല്‍കാന്‍ റിമി ടോമി എത്തിയത്. വനിതാ മജിസ്‌ട്രേറ്റിന് മുമ്പാകെ മൊഴി രേഖപ്പെടുത്താന്‍ അനുവദിക്കണമെന്ന റിമി ടോമിയുടെ അഭ്യര്‍ത്ഥന മാനിച്ചാണ് കോതമംഗലം മജിസ്‌ട്രേറ്റിന് മുമ്പാകെ മൊഴി രേഖപ്പെടുത്താന്‍ അനുമതി നല്‍കിയത്. നടിയെ ആക്രമിച്ച കേസില്‍ നേരത്തെ റിമിയുടെ മൊഴി എടുത്തിരുന്നു.

ദിലീപും ഭാര്യ കാവ്യയുമായി അടുത്ത ബന്ധമുള്ള റിമിക്ക് ഇവരുടെ സാമ്പത്തിക ഇടപാടുകള്‍ അടക്കം അറിയാമെന്നാണ് പോലീസ് നിഗമനം. മാത്രമല്ല ആക്രമിക്കപ്പെട്ട നടിയുമായും റിമിക്ക് അടുത്ത ബന്ധമുണ്ട്. പിന്നീട് ഇവര്‍ തമ്മില്‍ അകന്നിരുന്നു. ഇക്കാര്യങ്ങള്‍ കണക്കിലെടുത്താണ് പോലീസ് റിമിയുടെ രഹസ്യമൊഴി എടുക്കുന്നത്.