സിപിഐയ്ക്ക് കോണ്‍ഗ്രസിനോട് അയിത്തമില്ല:ഒരൊറ്റ ലക്ഷ്യം ബിജെപിയെ തുരത്തുക മാത്രം

ബിജെപിയെ പ്രതിരോധിക്കാന്‍ കോണ്‍ഗ്രസുമായി കൈകോര്‍ക്കുന്നതിലെന്താണ് തെറ്റെന്ന് വിലയിരുത്തലുമായി കാനം.കേരള രാഷ്ട്രീയത്തില്‍ പുതിയൊരു ചര്‍ച്ചയ്ക്ക് വഴിയൊരുക്കുന്ന പ്രസ്താവനയാണ് സിപിഐ സംസ്ഥാന സെക്രട്ടറി കാനം രാജേന്ദ്രന്‍ നടത്തിയിരിക്കുന്നത്.വര്‍ഗീയ പാര്‍ട്ടിയായ ബിജെപിയെ തുരത്താന്‍ കോണ്‍ഗ്രസുമായി കൈകോര്‍ക്കുന്നതില്‍ എന്താണ് തെറ്റെന്നാണ് അദ്ദേഹത്തിന്റെ ചോദ്യം.ഇക്കാര്യത്തില്‍ സിപഐയുടെ നിലപാട് പാര്‍ട്ടി കോണ്‍ഗ്രസിനു ശേഷമുണ്ടാകുമെന്നും അദ്ദേഹം കൂട്ടി ചേര്‍ത്തു

തിരഞ്ഞെടുപ്പില്‍ കോണ്‍ഗ്രിസനോട് കൂടാന്‍ പക്ഷെ സിപിഐ ഒരുക്കമല്ല.ബിജെപിയെ നാട്ടില്‍ നിന്ന് ഓടിക്കണം,അതിന് കോണ്‍ഗ്രസിനോട് കൂട്ടുകൂടിയാലും തെറ്റില്ലത്രേ-കാനെ പറഞ്ഞു എന്നാല്‍ കേരളത്തില്‍ കോണ്‍ഗ്രസുമായി ചേര്‍ന്നൊരു ഭരണമൊന്നുമല്ല കാനത്തിന്റെ ലക്ഷ്യം.കാരണം എല്‍ഡിഎഫിലേയ്ക്ക് മാറ്റൊരു സഖ്യകക്ഷികളെയും ഇപ്പോള്‍ ചേര്‍ക്കുന്നില്ലെന്നാണ് അദ്ദേഹത്തിന്റെ ഭാഷ്യം.കെഎം മാണി എല്‍ഡിഎഫില്‍ വരും,ബിഡിജെഎസ് വരുമെന്നൊക്കെ മാധ്യമങ്ങളുടെ സൃഷ്ടി മാത്രമാണെന്നായിരിക്കാം ചിലപ്പോള്‍ കാനം ഉദ്ദ്യേശിച്ചത്

. പിന്നെ അമിത്ഷാ ഇവിടെ കടന്നുകയറി ആക്രമിക്കുകയാണ്.സ്വന്തം സംസ്ഥാനത്തു നിന്ന് ഏഴു വര്‍ഷം കോടതി വിലക്കിയ ആളാണ് ഷാ.കേരളം ജിഹാദികളുടെ നാടാണെന്ന അമിത്ഷായുടെ പ്രസ്താവനയ്ക്കു മറുപടി പറയുകയായിരുന്നു അദ്ദേഹം.

മന്ത്രി തോമസ് ചാണ്ടിയുടെ ഭൂമിയിടപാടില്‍ അന്വേഷണം നടക്കുകയാണ്.അതില്‍ കഴമ്പുണ്ടെങ്കില്‍ സര്‍ക്കാര്‍ നടപടിയെടുക്കും.അല്ലാതെ ആരെങ്കിലും എന്തെങ്കിലും പറയുന്നതു കേട്ട് നടപടിയെടുക്കാന്‍ കഴിയില്ലെന്നും കാനം കൂട്ടിച്ചേര്‍ത്തു