കടകംപള്ളിയുടെ ചൈന സന്ദര്‍ശനം: ദേശീയ താല്‍പര്യത്തിന് വിരുദ്ധമെന്ന് കേന്ദ്ര വിദേശകാര്യ മന്ത്രാലയം

മന്ത്രി കടകംപള്ളി സുരേന്ദ്രന്റെ ചെന സന്ദര്‍ശനം നിഷേധിച്ചതില്‍ മറുപടിയുമായി കേന്ദ്ര വിദേശകാര്യ മന്ത്രാലയം. സുരേന്ദ്രന്‍ ചൈന സന്ദര്‍ശിക്കുന്നതു ദേശീയതാല്‍പര്യത്തിന് വിരുദ്ധമാകുമെന്നതിനാലാണ് അനുമതി നിഷേധിച്ചതെന്ന് കേന്ദ്ര വിദേശകാര്യ മന്ത്രാലയം വ്യക്തമാക്കി. അനുമതി നിഷേധിച്ചതിനു കാരണം വിവരാവകാശ നിയമപ്രകാരം തേടിയപ്പോഴാണ് ഈ മറുപടി. അതേസമയം മന്ത്രി പങ്കെടുക്കേണ്ട പരിപാടിക്ക് നിലവാരമില്ലാത്തതിനാല്‍ അനുമതി നിഷേധിച്ചെന്നായിരുന്നു കേന്ദ്ര വിദേശകാര്യ സഹമന്ത്രി വികെ സിങ് പറഞ്ഞത്.