ഗോവയില്‍ സര്‍ക്കാര്‍ പിളര്‍പ്പിലേക്കെന്ന് സൂചന

ഗോവയില്‍ ബിജെപിയുടെ ഘടകകക്ഷിയായ മഹാരാഷ്ട്ര വാദി ഗോമന്തക് പാര്‍ട്ടി(എം.ജെ.പി) ഇടയുന്നതായി റിപ്പോര്‍ട്ട്. മൂന്ന് എംഎല്‍എമാരുള്ള എംജെപിയുടെ പിന്തുണ സര്‍ക്കാരിന് നിര്‍ണായകമാണെന്നത് തന്നെയാണ് ഇതിന് കാരണം. മൂന്ന് എംഎല്‍എമാരില്‍ രണ്ടു പേര്‍ മന്ത്രിസഭയിലുള്ളവരാണ്.

എട്ട് മാസം വരെ കാത്തിരുന്ന ശേഷം തീരുമാനമെടുക്കാമെന്ന നിലപാടാണ് പാര്‍ട്ടി കൈക്കൊണ്ടിരിക്കുന്നത്. സര്‍ക്കാരിന്റെ പ്രവര്‍ത്തനത്തില്‍ ചില അംഗങ്ങള്‍ അസംതൃപ്തരാണെന്ന് എം.ജെ.പി അധ്യക്ഷന്‍ ദീപക് ധാവലീക്കര്‍ പറഞ്ഞു. വരുന്ന ലോക്‌സഭാ തെരഞ്ഞെടുപ്പില്‍ പാര്‍ട്ടി ഒറ്റയ്ക്ക് മത്സരിക്കുമെന്നും കേന്ദ്രകമ്മിറ്റി യോഗത്തിന് ശേഷം അദ്ദേഹം വ്യക്തമാക്കി.