ഗുജറാത്തില്‍ താമര വാടാതിരിക്കാന്‍ അമിത് ഷായുടെ തേരോട്ടം !

ഗുജറാത്തില്‍ തെരഞ്ഞെടുപ്പ് തീയതി പ്രഖ്യാപിച്ചതോടെ പോരാട്ടത്തിനൊരുങ്ങി ബിജെപി ദേശീയ അദ്ധ്യക്ഷന്‍ അമിത് ഷാ. സംസ്ഥാന സന്ദര്‍ശനം നടത്തി പരമാവധി വോട്ടുകള്‍ പിടിച്ചേടുക്കാനുള്ള നീക്കത്തിലാണ് അമിത് ഷാ.

ഈ മാസം നാലിനും, അഞ്ചിനും സംസ്ഥാനങ്ങളില്‍ സന്ദര്‍ശനം നടത്തുന്ന അമിത് ഷാ പിന്നീട് ഏഴ്, എട്ട്, ഒന്‍പതു തീയതികളില്‍ വീണ്ടും എത്തും. കോൺഗ്രസ് ഉപാധ്യക്ഷന്‍ രാഹുൽ ഗാന്ധിയുടെ ഗുജറാത്ത് സന്ദർശനത്തിന്റെ പിന്നാലെയാണ് ഇത്. രാഹുലിന്റെ റാലികൾക്ക് ആളുകൾ കൂടുന്നതും പട്ടേൽ, ദലിത് പ്രക്ഷോഭത്തിനു പിന്തുണയേറുന്നതും ബിജെപിയെ അസ്വസ്ഥമാക്കിയിട്ടുണ്ടെന്നാണ് റിപ്പോര്‍ട്ട്. ഗുജറാത്ത് തിരഞ്ഞെടുപ്പിലെ പ്രകടനം മോശമായാൽ പ്രധാനമന്ത്രി നരേന്ദ്ര മോദിയെയും അമിത് ഷായെയും നേരിട്ടുതന്നെ ബാധിക്കുമെന്നതിനാൽ ബിജെപി അതീവ ജാഗ്രതയിലാണ്.