വാഹനാപകട മരണം: നഷ്ടപരിഹാരത്തിന് വ്യക്തമായ മാനദണ്ഡം നിശ്ചയിച്ച് സുപ്രീം കോടതി

വാഹനാപകടത്തില്‍ മരിക്കുന്നവരുടെ ആശ്രിതര്‍ക്കുള്ള നഷ്ടപരിഹാരം കണക്കാക്കുന്നതില്‍ വ്യക്തമായ മാനദണ്ഡം നിശ്ചയിച്ച് സുപ്രീം കോടതി. നഷ്ടപരിഹാരം നല്‍കുന്നതിന് മരിച്ചയാളുടെ പ്രായവും വരുമാനവും മുഖ്യമാനദണ്ഡമാക്കണം. ജോലിയുടെ സ്വഭാവവും കണക്കിലെടുക്കണമെന്നും കോടതി നിര്‍ദേശിച്ചു.

മരിച്ചയാളുടെ പ്രായം 40 വയസ്സിനു താഴെയാണെങ്കില്‍ വരുമാനത്തിന്റെ 50% അധികം ഇന്‍ഷുറന്‍സ് നല്‍കണം. 40 മുതല്‍ 50 വയസ്സുവരെയാണെങ്കില്‍ വരുമാനത്തിന്റെ 30 ശതമാനവും 50 മുതല്‍ 60 വയസ്സുവരെയാണെങ്കില്‍ 15 ശതമാനവും അധികം ഇന്‍ഷുറന്‍സ് നല്‍കണം. നികുതിയൊഴിച്ചുള്ള വരുമാനമാണ് കണക്കാക്കേണ്ടത്. ജോലി താത്ക്കാലികമാണെങ്കില്‍ നഷ്ടപരിഹാരത്തില്‍ നേരിയ കുറവ് മാത്രമേ വരുത്താന്‍ പാടുള്ളൂവെന്നും കോടതി നിര്‍ദേശിക്കുന്നു. അഞ്ചംഗ ബെഞ്ചിന്റെതാണ് ഈ സുപ്രധാന വിധി.